എവിടായിരുന്നു ഇത്! സിക്കാഡയിലൂടെ വമ്പൻ തിരിച്ചു വരവിനൊരുങ്ങി നടൻ രജിത്

ആഗസ്റ്റ് 9ന് റിലീസ് ഡേറ്റ് പ്രഖ്യാപിച്ച ‘സിക്കാഡ’ എന്ന ചിത്രം പല കാരണങ്ങൾ കൊണ്ട് പ്രേക്ഷക ശ്രദ്ധ പിടിച്ചു പറ്റുകയാണ്. മഞ്ഞുമ്മൽ ബോയ്സിന് ശേഷം വരാനിരിക്കുന്ന മലയാളത്തിന്റെ അടുത്ത സർവൈവർ ത്രില്ലർ എന്ന തരത്തിലും ജനപ്രിയ സംഗീത സംവിധായകൻ ശ്രീജിത്ത് ഇടവന സംവിധായക കുപ്പായത്തിൽ രംഗ പ്രവേശനം ചെയ്യുന്നു എന്ന തരത്തിലും ചിത്രം ഇതിനോടകം പ്രേക്ഷകരിൽ ആകാംഷ നിറച്ചു കഴിഞ്ഞു.

തീര്‍ണ ഫിലിംസ് ആന്റ് എന്റര്‍ടൈന്‍മെന്റിന്റെ ബാനറില്‍ വന്ദന മേനോന്‍, പി ഗോപകുമാര്‍ എന്നിവര്‍ ചേര്‍ന്ന് നിര്‍മിക്കുന്ന ചിത്രത്തിന് നടൻ രജിത് മേനോൻ പത്തു വര്‍ഷങ്ങൾക്കു ശേഷം മലയാളത്തിലേക്ക് തിരിച്ചെത്തുന്നു എന്ന പ്രത്യേക കൂടിയുണ്ട്. ഗോൾ എന്ന കന്നി ചിത്രം മാത്രം മതി രജിത്തിനെ മലയാളികൾക്ക് ഓർക്കാൻ. പിന്നീട് ജനനായകൻ, സെവെൻസ്, ഡോക്ടർ ലവ്, ഇന്നാണ് ആ കല്യാണം, ചാപ്റ്റേഴ്സ്, അപ്പ്‌ ആൻഡ് ഡൌൺ, ദൈവത്തിന്റെ സ്വന്തം ക്ലീറ്റസ് തുടങ്ങിയ ശ്രദ്ധേയമായ ചിത്രങ്ങളിൽ പ്രധാന വേഷം ചെയ്ത നടൻ 2013 ന് ശേഷം മലയാളത്തിൽ ചിത്രങ്ങൾ ഒന്നും തന്നെ ചെയ്തിരുന്നില്ല. ഇതു സംബന്ധിച്ച് നടന്റെ ഗംഭീര തിരിച്ചു വരവ് ഉറപ്പിക്കുന്ന തരത്തിൽ ഒരു പ്രൊമോഷൻ വീഡിയോയും അണിയറക്കാർ പുറത്തിറക്കിയിട്ടുണ്ട്.

കണ്ടു നോക്കാം…

https://www.facebook.com/share/r/vzLuMYpPnqVsAUP2/?mibextid=oFDknk

ആഗസ്റ്റ് 9ന് മലയാളം, തമിഴ്, കന്നഡ, തെലുങ്ക് തുടങ്ങിയ ഭാഷകളിലൊരുക്കിയ ചിത്രം തിയറ്ററുകളിലെത്തും. ഗായത്രി മയൂരയാണ് ചിത്രത്തിലെ നായിക. ചിത്രത്തിന്റെ രചനയും നാലു ഭാഷകളിലുമുള്ള വ്യത്യസ്ത ഗാനങ്ങളുമെല്ലാം ചിട്ടപ്പെടുത്തിയിരിക്കുന്നത് സംവിധായകൻ ശ്രീജിത്ത് തന്നെയാണ്.

പ്രമുഖതാരങ്ങള്‍ അണിനിരക്കുന്ന സിക്കാഡയുടെ ഛായാഗ്രഹണം നവീന്‍ രാജ് ആണ് നിര്‍വഹിക്കുന്നത്. എഡിറ്റിംങ്: ഷൈജിത്ത് കുമരൻ, ഗാനരചന: വിവേക് മുഴക്കുന്ന്, നവീൻ കണ്ണൻ, രവിതേജ തുടങ്ങിയവരാണ് നിർവഹിക്കുന്നത്. പ്രൊഡക്ഷന്‍ കണ്‍ട്രോളര്‍ രാജേഷ് കെ മത്തായി, കലാസംവിധാനം ഉണ്ണി എല്‍ദോ, ഓഡിയോഗ്രാഫി ആഡ് ലിന്‍ (എസ്. എ സ്റ്റുഡിയോ),ശബ്ദമിശ്രണം ഫസല്‍ എ ബക്കര്‍ സ്റ്റുഡിയോഎസ്.എ. സ്റ്റുഡിയോ, പിആർഒ എ. എസ് ദിനേശൻ, കളറിസ്റ്റ് സെൽവിൻ വർഗീസ്, വിഎഫ്എക്സ് സൂപ്പർവൈസർ അമൽ ഗണേഷ്, ഷൈമോൻ. സൗണ്ട് എഡിറ്റിങ് : സുജിത് സുരേന്ദ്രന്‍. ശ്രീനാഥ് രാമചന്ദ്രന്‍, കെവിന്‍ ഫെര്‍ണാണ്ടസ്, സല്‍മാന്‍ ഫാരിസ്, ഗൗരി ടിംബല്‍,പ്രവീണ്‍ രവീന്ദ്രന്‍ എന്നിവരാണ് കോപ്രൊഡ്യൂസഴ്‌സ്. എസ്.എഫ്.എക്സ്: ടി.പി പുരുഷോത്തമൻ, പോസ്റ്റർ:മഡ്ഹൗസ്. ലൈൻ പ്രൊഡ്യൂസേഴ്സ്: ദീപക് വേണുഗോപാൽ അനീഷ് അട്ടപ്പാടി പ്രജിത് നമ്പ്യാർ തുടങ്ങിയവരാണ്.