സംവിധായകൻ ഭരതൻറെയും നടിയായ കെ.പി .എ .സി .ലളിതയുടെയും മകനായ സിദ്ധാർഥ് ഭരതനാണ് തന്റെ ഫേസ്ബുക് പേജിലൂടെ മകൾ ജനിച്ച വിവരം പങ്കുവച്ചത്.”ഞങ്ങൾക്ക്‌ ഒരു പെൺകുഞ്ഞു പിറന്നിരിക്കുന്നു അമ്മയും കുഞ്ഞും സുരക്ഷിതരായിരിക്കുന്നു “എന്ന് പറഞ്ഞുകൊണ്ടുള്ള പോസ്റ്റിനൊപ്പം അമ്മയുടെയും കുഞ്ഞിൻറെയും ചിത്രവും പങ്കുവച്ചിട്ടുണ്ട്.സിദ്ധാർത്ഥിന്റെ രണ്ടാമത്തെ വിവാഹമാണ് ഇത്.ആദ്യ വിവാഹം വേർപെടുത്തിയ ശേഷം കഴിഞ്ഞ വർഷമാണ് സുജിനയുമായുള്ള വിവാഹം നടന്നത്.ഇപ്പോളിതാ കുടുംബത്തിലേക്ക് വന്ന കുഞ്ഞതിഥിയെ വരവേൽക്കുന്നതിന്റെ സന്തോഷത്തിലാണ് കുടുംബമൊന്നടങ്കം .
സംവിധായകൻ കമലിന്റെ “നമ്മൾ ” എന്ന മലയാളസിനിമയിലൂടെയാണ് സിദ്ധാർഥ് അഭിനയരംഗത്തേക്ക് ചുവടുവച്ചത്.ഈ ചിത്രം സൂപ്പർഹിറ്റ് ആയിരുന്നെങ്കിലും പിന്നീട് അദ്ദേഹം അച്ഛനായ പ്രശസ്ത സംവിധായകൻ ഭരതൻറെ പാത പിന്തുടർന്നുകൊണ്ട് സംവിധാന മേഖലയിലേക്ക് തിരിയുകയായിരുന്നു.
ആദ്യ ചിത്രത്തിനു ശേഷം മറ്റു പല ചിത്രങ്ങളിലും അഭിനയിച്ചെങ്കിലും സ്പിരിറ്റിലെ സമീറാണ് പ്രേക്ഷക ശ്രദ്ധ നേടിയ കഥാപാത്രം .2012 ൽ അച്ഛൻറെ സിനിമയായ നിദ്ര റീമേക് ചെയ്തുകൊണ്ട് സംവിധാന രംഗത്ത് തൻറെതായ വ്യക്തിമുദ്ര പതിപ്പിക്കാൻ സിദ്ധാർത്ഥിന് കഴിഞ്ഞു.ദിലീപ് നായകനായ “ചന്ദ്രേട്ടൻ എവിടെയാ “എന്ന സിനിമ കുടുംബപ്രേക്ഷകരുടെ പ്രിയ സംവിധായകനാക്കി മാറ്റി .സൗബിൻ നായകനായെത്തുന്ന “ജിന്ന് “ആണ് സിദ്ധാർത്ഥിന്റെ ഏറ്റവും പുതിയ ചിത്രം .
2015 ൽ ഒരു ആക്‌സിഡൻ്റിൽ ഗുരുതരമായി പരിക്കേറ്റ സിദ്ധാർഥ് ചികിത്സയ്ക്കുശേഷം സാധാരണ ജീവിതത്തിലേക്ക് മടങ്ങി വരികയാണുണ്ടായത്.അഞ്ചുവർഷത്തോളം നീണ്ട ആദ്യ വിവാഹബന്ധം വേർപെടുത്തിയതിനു ശേഷം 2019ആഗസ്ത് 31 നാണു സുജനയുമായുള്ള വിവാഹം നടന്നത്.
