ആംബുലൻസ് കിട്ടിയില്ല PPE കിറ്റ് ധരിച്ച് ബൈക്കിൽ കോവിഡ് രോഗിയെ ആശുപത്രിയിൽ എത്തിച്ച് ഡിവൈഎഫ്ഐ പ്രവർത്തകർ..
പുന്നപ്രയിലെ ഒരു സിഎഫ്‌എൽടിസിയിൽ വെച്ച് യുവാവിന് ശ്വാസം മുട്ടലും നെഞ്ച്‌ വേദനയും അനുഭവപ്പെട്ടത്. ആംബുലൻസ് വിളിച്ചു എങ്കിലും വാഹനം ആ കേന്ദ്രത്തിലെത്താൻ 10 മിനുട്ട്‌ ആവുമെന്നറിയിച്ചു .അപ്പോളാണ് ഭക്ഷണം നൽകാനെത്തിയ ഡിവൈഎഫ്ഐ സന്നദ്ധപ്രവർത്തകർ ഈ രംഗം കാണുന്നത്, ശ്വാസത്തിനായി പിടയുന്ന ആളുമായി പത്ത്‌ മിനുട്ട്‌ കാത്തിരിക്കാൻ അവർ തയ്യാറായില്ല, അനന്തുവും രേഖ എന്ന പെൺകുട്ടിയും പി പി ഇ കിറ്റ് ധരിച്ച് ബൈക്കിൽ അവർക്ക്‌ ഇടയിൽ ആ രോഗിയെ ഇരുത്തി തൊട്ടടുത്തുള്ള ആശുപത്രിയിൽ എത്തിക്കുന്നു. ആ 37കാരൻ ഇപ്പോൾ സുഖം പ്രാപിച്ച്‌ വരുന്നു. “ആംബുലൻസിന്‌ പോലും കാക്കാതെ, സ്വന്തം സുരക്ഷ പോലും പണയം വെച്ച്, ഓരോ മിനുട്ടും നിർണ്ണായകമെന്ന് തിരിച്ചറിഞ്ഞാണ് ആ യുവാക്കളുടെ മനുഷ്യത്വപരമായ ഇടപെടൽ….”
