അങ്ങാടിപ്പുറം: ഷൊര്‍ണൂര്‍- നിലമ്പൂര്‍ പാതയില്‍ ഒരു ട്രെയിൻ കൂടി അനുവദിച്ച് റെയില്‍വേ ഉത്തരവിറക്കി. നിലമ്പൂര്‍- ഷൊര്‍ണൂര്‍ എക്‌സ്പ്രസാണ് ഈ മാസം 30 മുതല്‍ സര്‍വിസ് നടത്തുക. കോവിഡ് സാഹചര്യത്തില്‍ നിര്‍ത്തലാക്കിയ പാസഞ്ചറുകളിൽ ഒന്നാണ് സ്‌പെഷല്‍ എക്‌സ്പ്രസായി ആരംഭിക്കുന്നത്. ഷൊര്‍ണൂരില്‍ നിന്ന് രാവിലെ 7.05ന് പുറപ്പെട്ട് രാവിലെ 8.50ന് നിലമ്പൂരിൽ എത്തുന്ന 06465 നമ്പര്‍ സര്‍വിസും നിലമ്പൂരില്‍ നിന്ന് രാവിലെ 10.10ന് പുറപ്പെട്ട് 11.50ന് ഷൊര്‍ണൂരിൽ ത്തുന്ന 06468 നമ്പര്‍ സര്‍വിസുമാണ് തുടങ്ങുന്നത്.
ഇതോടെ പാതയില്‍ നാല് ട്രെയിനാവും. നിലമ്പൂര്‍- കൊച്ചുവേളി രാജ്യറാണി എക്‌സ്പ്രസ്, നിലമ്പൂര്‍-കോട്ടയം സ്‌പെഷല്‍ എക്‌സ്പ്രസ്, അണ്‍ റിസര്‍വ്ഡ് സ്‌പെഷല്‍ എക്‌സ്പ്രസ് സര്‍വിസ് എന്നിവയാണ് മറ്റുള്ളവ. ഏഴ് ജോടി സര്‍വിസുകളുണ്ടായിരുന്ന പാതയിൽ പാസഞ്ചറുകളെല്ലാം നിർത്തലാക്കിയാണ് നാല് എക്‌സ്പ്രസ് സര്‍വിസിന് മാത്രം റെയില്‍വേ അനുമതി നല്‍കിയത്. മറ്റ് പാസഞ്ചർ ട്രെയിനുകൾ ജൂൺ ആദ‍്യ വാരത്തോടെ പുനരാരംഭിക്കാനുള്ള നടപടി സ്വീകരിച്ചു വരുന്നതായി റെയിൽവേ അധികൃതർ അറിയിച്ചു.
മെയ്‌ 30 മുതൽ സർവീസ് തുടങ്ങുന്ന ട്രെയിനുകളുടെ സമയ വിവരം:
ഷൊർണൂരിൽ നിന്നും നിലമ്പൂരിലേക്ക്
ഷൊർണുർ: 07:05
വാടാനാകുറുശ്ശി: 07:14
വല്ലപ്പുഴ: 07:19
കുലുക്കല്ലൂർ: 07:24
ചെറുകര: 07:34
അങ്ങാടിപ്പുറം: 07:44
പട്ടിക്കാട്: 07:54
മേലാറ്റൂർ: 08:04
തുവ്വൂർ: 08:09
തൊടിയപ്പുലം: 08:14
വാണിയമ്പലം: 08:24
നിലമ്പൂർ: 08:50
നിലമ്പൂരിൽ നിന്നും ഷൊർണൂരിലേക്ക്
നിലമ്പൂർ: 10:10
വാണിയമ്പലം: 10:19
തൊടിയപ്പുലം:10:24
തുവ്വൂർ: 10:29
മേലാറ്റൂർ: 10:34
പട്ടിക്കാട്: 10:44
അങ്ങാടിപ്പുറം:10:54
ചെറുകര:11:04
കുലുക്കല്ലൂർ: 11:09
വല്ലപ്പുഴ: 11:14
വാടാനാകുറുശ്ശി: 11:19
ഷൊർണുർ: 11:50
