തൃശൂർ: ഇരിങ്ങാലക്കുട ക്രൈസ്റ്റ് കോളേജിലെ ജിയോളജി ബിരുദ വിദ്യാർഥികൾ സ്റ്റഡി ടൂറിനുപോയ ബസ് അപകടത്തിൽപ്പെട്ടു. അപകട ത്തിൽ നിരവധി പേർക്ക് പരിക്കേറ്റു. മധ്യപ്രദേശിലെ റായ്‍പുരയിൽവെച്ചാണ് ബസ് മറിഞ്ഞത്. സ്ഥലം എംഎൽഎയും മന്ത്രിയുമായ ആർ ബിന്ദുവിൻ്റെ നേതൃത്വത്തിൽ മുഖ്യമന്ത്രിയുടെ ഓഫീസുമായി ബന്ധപ്പെട്ട് രക്ഷാപ്രവർത്തനങ്ങൾ ഏകോപിപ്പിച്ച് വരികയാണ്.
ഏഴ് അധ്യാപകരും 60 വിദ്യാർഥികളും രണ്ട് വാഹനങ്ങളിലായാണ് സഞ്ചരിച്ചിരുന്നത്. ഇതിൽ ഒരു വാഹനമാണ് അപകടത്തിൽപ്പെട്ടത്. ജിയോളജി വിഭാഗം അവസാനവര്‍ഷ വിദ്യാര്‍ത്ഥികളും അദ്ധ്യാപകരും അടങ്ങുന്ന സംഘമാണ് അപകടത്തില്‍പ്പെട്ടത്. ഒരാൾക്ക് തലയ്ക്ക് പരിക്കേറ്റിട്ടുണ്ട്. ഇയാളുടെ നില ഗുരുതരമാണെന്നാണ് പുറത്ത് വരുന്ന സൂചനകൾ.
