കുഴിയിലേക്ക് താഴ്ന്ന് പോകുന്ന കാർ- ഇത് സത്യമോ? വൈറലായി വീഡിയോ
പാർക്ക് ചെയ്തിരുന്ന ഒരു കാർ കുഴിയിലേക്ക് താഴ്ന്നു പോകുന്ന ദൃശ്യങ്ങൾ വലിയ അമ്പരപ്പോടെയാണ്
സാമൂഹിക മാധ്യമങ്ങളിൽ ആളുകൾ കാണുന്നത്. ഇത് സത്യമാണോ എന്ന് ചിലർ ചോദിക്കുന്നു. ആരോ
പറ്റിക്കാൻ ചെയ്ത വീഡിയോ ആണെന്നും മറു വാദം. ആ കാറിന്‍റെ ഉടമയുടെ അവസ്ഥയെ്കകുറിച്ച്
സങ്കടപ്പെട്ടവരും നിരവധി.
ദേശീയ വാർത്ത ഏജൻസി എഎൻഐയും ദേശീയ മാധ്യമങ്ങളും സംഭവം സത്യമാണെന്ന് സ്ഥിരീകരിച്ചു.
മഹാരാഷ്ട്രയിലെ ഘട്‍കൊപറിലെ ഒരു റെസിഡൻഷ്യൽ ഏരിയയിൽ ആണ് സംഭവം.
നിർത്തിയിട്ടിരുന്ന ഒരു കാർ മലിന ജലത്തിലേക്ക് താഴ്ന്ന് പോകുന്നതാണ് വീഡിയോയിൽ.
ആദ്യം കാറിന്‍റെ ബോണറ്റും മുൻചക്രങ്ങളും നിമിഷങ്ങൾക്കകം കാർ മുഴുവനായും വെള്ളത്തിലേക്ക് താഴ്ന്നു പോയി.
സ്ഥലത്തുണ്ടായിരുന്നു കിണർ മൂടിയ ശേഷം കോൺക്രീറ്റ് സ്ലാബ് ഇട്ടാണ് പാർക്കിങ് ഏരിയ
സജ്ജീകരിച്ചിരുന്നതെന്ന് പൊലീസ് പറയുന്നു. കനത്ത മഴയിൽ സ്ലാബ് തകർന്നതോടെ
വെള്ളം നിറഞ്ഞ കുഴിയിലേക്ക് കാർ വീഴുകയായിരുന്നു. സമീപത്ത് നിർത്തിയിട്ടിരുന്ന
മറ്റ് കാറുകൾക്ക് കേടുപാടില്ല
