ചെന്നൈ: പുതുച്ചേരിയില് സ്കൂട്ടറില് കൊണ്ടുപോവുകയായിരുന്ന പടക്കം പൊട്ടിത്തെറിച്ച് അച്ഛനും മകനും ദാരുണാന്ത്യം.
കലൈയരശനും(37) ഏഴ് വയസുകാരനായ പ്രദീഷുമാണ് മരിച്ചത്. അപകടത്തില് മൂന്ന് പേര്ക്ക് പരിക്കേറ്റു.
വ്യാഴാഴ്ച വൈകീട്ട് പുതുച്ചേരിയിലെ കാട്ടുക്കുപ്പത്താണ് ദാരുണമായ സംഭവം നടന്നത്.
ഭാര്യ വീട്ടില് പോയി മകനേയും കൂട്ടി ദീപാവലി ആഘോഷിക്കാന് സ്വന്തം വീട്ടിലേക്ക് വരികയായിരുന്നു കലൈയരശന്.
വഴിയില് വെച്ച് രണ്ട് വലിയ സഞ്ചിയില് പടക്കം വാങ്ങി. മകനെ സ്കൂട്ടറിന്റെ മുന്നില് നിറുത്തി സൈഡില് പടക്കം വെച്ചായിരുന്നു യാത്ര. കലൈയരശനും പ്രദീഷും സംഭവ സ്ഥലത്ത് തന്നെ മരിച്ചു.
പടക്കത്തിന് ചൂട് പിടിച്ച് പൊട്ടിത്തെറിച്ചതാകാം എന്നാണ് പൊലീസിന്റെ പ്രാഥമിക നിഗമനം.
