മലയാളികള്‍ക്കിടയിലും ആരാധകരുള്ള ഒരു കൊറിയൻ താരമാണ് ഡോണ്‍ ലീ. മാ ഡോങ് സിയോക് എന്നാണ് താരത്തിന്റെ യഥാര്‍ഥ പേര്. മോഹൻലാലിന്റെ ലുക്കാണ് ഡോണ്‍ ലീക്കുമെന്നാണ് സിനിമാ ആരാധകര്‍ അഭിപ്രായപ്പെടുന്നത്. ഡോണ്‍ ലീക്ക് ഇന്ത്യൻ സിനിമയിലേക്കും വരുന്നു എന്ന റിപ്പോര്‍ട്ടാണ് പുതുതായി ചര്‍ച്ചയാകുന്നത്
പൃഥ്വിരാജിന്റെ മോഹൻലാല്‍ ചിത്രം എമ്പുരാനില്‍ താരം എത്തിയേക്കും എന്ന റിപ്പോര്‍ട്ടുകള്‍ നേരത്തെ സിനിമാ മാധ്യമങ്ങള്‍ പുറത്തുവിട്ടിരുന്നു. ഫാൻമേയ്‍ഡ് പോസ്റ്ററുകളും അന്ന് പുറത്തിറങ്ങിയിരുന്നു. എന്നാല്‍ അതില്‍ ഔദ്യോഗിക സ്ഥിരീകരണമുണ്ടായിരുന്നില്ല. മാ ഡോങ് സിയോക് പ്രഭാസ് ചിത്രത്തില്‍ ഉണ്ടായാക്കുമെന്നാണ് പുതിയ റിപ്പോര്‍ട്ടുകള്‍ സൂചിപ്പിക്കുന്നത്. ഇക്കാര്യം പ്രചരിക്കാൻ കാരണവും താരമാണ്. ഇൻസ്റ്റാഗ്രാമില്‍ നടൻ സലാര്‍ രണ്ടാം ഭാഗത്തിന്റെ പോസ്റ്റര്‍ പങ്കുവയ്‍ക്കുകയായിരുന്നു. എന്നാല്‍ സന്ദീപ് റെഡ്ഡി വാംങ്കയുടെ ചിത്രമായ സ്‍പിരിറ്റില്‍ ആണ് ഡോണ്‍ ലീ താരത്തിനൊപ്പം ഉണ്ടാകുകയെന്നും റിപ്പോര്‍ട്ടുണ്ട്.
കൊറിയയില്‍ വൻ പ്രതിഫലം വാങ്ങിക്കുന്ന താരമാണ് മാ ഡോങ് സിയോകെന്നാണ് റിപ്പോര്‍ട്ട്. മാ ഡോങ് സിയോകിന് 4.14 കോടി രൂപയാണ് പ്രതിഫലം. നെയിംലെസ് ഗ്യാങ്സ്റ്റര്‍ റൂള്‍സ് ഓഫ് ദ ടൈം എന്ന ഹിറ്റിനു പുറമേ ദ അണ്ജസ്റ്റലെയും വേഷം സിയോകിനെ പ്രശസ്‍തനാക്കി.ട്രെയിൻ ടു ബുസാനിലെ പ്രധാന കഥാപാത്രമാണ് മാ ഡോങ്ങിനെ അന്താരാഷ്‍ട്ര പ്രശസ്‍തിയിലേക്കുയര്‍ത്തിയതും സിനിമാ പ്രേക്ഷകരുടെ പ്രിയങ്കരനാക്കിയതും.
