അയോധ്യ: ഇന്ത്യയിലെ തന്നെ ഏറ്റവും വലിയ തീർത്ഥാടന കേന്ദ്രങ്ങളിൽ ഒന്നാണ് ശ്രീരാമ ജന്മഭൂമി ക്ഷേത്രം. ഉത്തര്‍പ്രദേശിലെ അയോധ്യയിൽ സ്ഥിതി ചെയ്യുന്ന ക്ഷേത്രത്തിലെ ചുറ്റിപ്പറ്റി നിരവധി കുരങ്ങ് കൂട്ടങ്ങളുമുണ്ട്. ഇപ്പോഴിതാ വാനരക്കൂട്ടങ്ങൾക്ക് ഭക്ഷണം നൽകാനുള്ള പദ്ധതിയിൽ ബോളിവുഡ് താരം അക്ഷയ് കുമാറും പങ്കാളി ആയെന്നുള്ള വാർത്തയാണ് ഇപ്പോൾ പുറത്തുവരുന്നത്. ഇതിന്റെ ഭാഗമായി താരം ഒരു കോടി രൂപ സംഭവാന നല്‍കിയെന്നാണ് വിവരം.
തന്‍റെ മാതാപിതാക്കളായ ഹരി ഓം, അരുണ ഭാട്ടിയ, പരേതനായ മുതിർന്ന നടൻ രാജേഷ് ഖന്ന എന്നിവരുടെ സ്മരണയ്ക്കായാണ് അക്ഷയ് കുമാര്‍ സംഭാവന സമർപ്പിച്ചതെന്ന് അക്ഷയ് കുമാറിന്‍റെ ടീം സ്ഥിരീകരിച്ചിട്ടുണ്ട്. ഇവരുടെ ആദരസൂചകമായി കുരങ്ങുകള്‍ക്ക് ഭക്ഷണം വിതരണം ചെയ്യുന്ന വാനിൽ അവരുടെ പേരുകൾ ആലേഖനം ചെയ്യും.
