ടിവി സീരിയലുകൾ എൻഡോസൾഫാനിനേക്കാൾ മാരകമാണെന്നും മലയാളിയുടെ സാക്ഷരതയെയും സാമൂഹികബോധത്തെയും യുക്തിയെയും ചോദ്യം ചെയ്യുന്ന രീതിയിലുള്ള സീരിയലുകളാണ് ഇപ്പോഴുള്ളതെന്നും പ്രേംകുമാർ. സീരിയലുകൾ പാടേ നിരോധിക്കണമെന്ന അഭിപ്രായമൊന്നു തനിക്കില്ലെന്നും അദ്ദേഹം വ്യക്തമാക്കി. പക്ഷേ, സമീപകാലത്തെ പല സീരിയലുകളും കാണുമ്പോൾ വല്ലാതെ ചൂളിപ്പോവുകയാണ്. അത് നമ്മുടെ ഭാഷയ‌്ക്കും സംസ്‌കാരത്തിനുമേൽപ്പിക്കുന്ന മുറിവുകളെ കുറിച്ച് ചിന്തിക്കേണ്ടതാണെന്നും പ്രേംകുമാർ ഓർമ്മിപ്പിച്ചു. ചില സീരിയലുകൾ സമൂഹത്തിന് എൻഡോസൾഫാനിനേക്കാൾ മാരകമായ വിഷമാണ് പ്രധാനം ചെയ്യുന്നത്. അതുകൊണ്ടുതന്നെയാണ് കഴിഞ്ഞ പത്ത് വർഷത്തിലധികമായി ഒരു സീരിയലിലും ഞാൻ അഭിനയിക്കാത്തതെന്നും പ്രേംകുമാർ വ്യക്തമാക്കി. ഇത് വരുംതലമുറയോട് താൻ ചെയ്യുന്ന നന്മയാണെന്നും അദ്ദേഹം പ്രതികരിച്ചു.
