മൂന്നാർ ലക്കത്തിന് സമീപം സിനിമാ ചിത്രീകരണത്തിനിടെ നടന്ന വാഹന അപകടത്തിൽ നടൻ ജോജു ജോർജിന് പരിക്ക്. ഇന്ന് വൈകിട്ടോടെയാണ് അപകടം നടന്നത്. ജീപ്പിൽ സഞ്ചരിക്കുന്ന രംഗം ചിത്രീകരിക്കുന്നതിനിടെയാണ് ജീപ്പ് മറിഞ്ഞ് അപകടമുണ്ടായത്. ഷാജി കൈലാസും ജോജു ജോർജും ആദ്യമായി ഒന്നിക്കുന്ന ‘വരവ്’ ചിത്രത്തിന്റെ ഷൂട്ടിങ്ങിനിടയാണ് അപകടമുണ്ടായത്. അപകടത്തിൽ ജോജു ജോർജിനു പുറമേ നടൻ ദീപക് പറമ്പോലിനും പരിക്കേറ്റിട്ടുണ്ട്. ഇവർക്ക് പുറമേ വാഹനത്തിൽ ഉണ്ടായിരുന്ന മറ്റ് അഭിനേതാക്കൾക്കും സ്റ്റണ്ട് മാനും പരിക്കേറ്റു. പരിക്കേറ്റവരെ മൂന്നാർ ടാറ്റ ആശുപത്രിയിൽ പ്രവേശിപ്പിച്ചു.
