തിരുവനന്തപുരം : സുപ്രസിദ്ധ മലയാള സീരീയല്‍ താരം ശബരിനാഥ് (49) അന്തരിച്ചു. ഇന്നലെ രാത്രി നഗരത്തിലെ സ്വകാര്യ ആശുപത്രിയില്‍ വെച്ചായിരുന്നു അന്ത്യം. വൈകിട്ട്‌ അരുവിക്കരയില്‍ ഷട്ടില്‍ കളിക്കുകയായിരുന്നു ശബരി . ഇതിനിടയില്‍ കുഴഞ്ഞ്‌ വീഴുകയായിരുന്നു . മൂക്കില്‍ നിന്നുംചോര വാര്‍ന്ന ഇദ്ദേഹത്തെ ആശുപത്രിയില്‍ എത്തിച്ചുവെങ്കിലും മരണം സംഭവിക്കുകയായിരുന്നു .
ഭൗതിക ശരീരം ഇന്നുകോവിഡ്‌ പരിശോധന ഫലം ലഭിച്ചതിന്‌ശേഷം ബന്ധുക്കള്‍ക്ക്‌ വിട്ടു നല്‍കും . 15 വര്‍ഷമായി സീരീയില്‍ രംഗത്ത്‌ സജീവമാണ് ശബരി . പാടാത്ത പൈങ്കിളി , സ്വാമി അയ്യപ്പന്‍, നിലവിളക്ക്‌, സാഗരം സാക്ഷി, പ്രണയിനി തുടങ്ങിയ സീരിയലുകളില്‍ പ്രധാനവേഷങ്ങളില്‍ എത്തി . സാഗരം സാക്ഷി സീരിയലിന്റെ നിര്‍മാതാക്കളില്‍ ഒരാളായിരുന്നു ഇദ്ദേഹം . അച്‌ഛന്‍: ജീ.രവീന്ദ്രന്‍നായര്‍, അമ്മ: പി.തങ്കമണി.ഭാര്യ: ശാന്തി(ചൊവ്വര കിംഗ്‌ ശിവ ആയൂര്‍വേദ സെന്റര്‍), മക്കള്‍ : ഭാഗ്യ.എസ്‌.നാഥ്‌, ഭൂമിക .എസ്‌. നാഥ്‌.
