ഇഡിയും മാര്‍ക്കോയും ഒരേ സമയത്ത് തിയറ്ററുകളില്‍ ഉണ്ടായിരുന്നു. ഇഡിയുടെ പ്രമോഷന് സുരാജ് വെഞ്ഞാറമൂട് പറഞ്ഞ വാക്കുകള്‍ ചര്‍ച്ചയായിരുന്നു. കുത്തുംവെട്ടുമൊന്നും എന്റെ സിനിമയില്‍ ഇല്ലെന്ന് പറയുകയായിരുന്നു സുരാജ് വെഞ്ഞാറമൂട്. ഇതില്‍ സുരാജ് വെഞ്ഞാറമൂട് വിശദീകരണവുമായി രംഗത്ത് എത്തിയിരിക്കുകയാണ്.
മാര്‍ക്കോയ്‍ക്കെതിരെയാണ് സുരാജ് വെഞ്ഞാറമൂട് അന്ന് പറഞ്ഞത് എന്നായിരുന്നു ചര്‍ച്ചകള്‍. എന്നാല്‍ അന്ന് പറഞ്ഞത് ശരിക്കുന്നു തെറ്റിദ്ധരിക്കപ്പെടുകയായിരുന്നു എന്ന് സുരാജ് വെഞ്ഞാറമൂട് വ്യക്തമാക്കി. ഒരു സൈക്കോ കഥാപാത്രം ഞങ്ങളുടെ സിനിമയില്‍ ഉണ്ടായിരുന്നു. അപ്പോള്‍ നിങ്ങളുടെ സിനിമയിലും വെട്ടുംകുത്തുമുണ്ടോയെന്ന് ചോദിച്ച് ഒരാള്‍. അങ്ങനെയൊന്നും ഇല്ല എന്ന് അപ്പോള്‍ പറയുകയായിരുന്നു ഞാൻ. മാര്‍ക്കോ ഞാൻ പിന്നീട് കണ്ടു. എനിക്ക് ഭയങ്കര ഇഷ്‍ടപ്പെട്ടു സിനിമ. ഉണ്ണി മുകുന്ദന് മെസേജ് അയച്ചു. സംവിധായകനും അടുത്ത സുഹൃത്താണ് എന്നും പറഞ്ഞു സുരാജ് വെഞ്ഞാറമൂട്.സുരാജ് വെഞ്ഞാറമൂട് നായകനായി വന്ന ചിത്രമാണ് എക്ട്രാ ഡീസന്റ് (ഇഡി). ഒരു ചിരി ചിത്രമായിട്ടാണ് ഇഡി തിയറ്ററുകളില്‍ എത്തിയത്. ആമിർ പള്ളിക്കാലാണ് സംവിധാനം നിര്‍വഹിക്കുന്നത്.സുരാജ് വെഞ്ഞാറമൂട്, ഗ്രേസ്‌ ആന്റണി, പ്രേമലു ഫെയിം ശ്യാം മോഹൻ എന്നിവരുടെ ഫൺ കോമ്പോയാണ്‌ സിനിമയുടെ ഹൈലൈറ്റ്‌ എന്നാണ് അഭിപ്രായം
പ്രമുഖ നിർമ്മാതാവായ ലിസ്റ്റിൻ സ്റ്റീഫന്റെ മാജിക് ഫ്രെയിംസും സുരാജ് വെഞ്ഞാറമൂടിന്റെ വിലാസിനി സിനിമാസും ചേർന്നാണ് ഇ ഡി നിർമ്മിക്കുന്നത്. ഇഡി (എക്സ്ട്രാ ഡീസന്റ്) പ്രവർത്തകർ ഇവരാണ്. കോ പ്രൊഡ്യൂസർ ജസ്റ്റിൻ സ്റ്റീഫൻ, ലൈൻ പ്രൊഡ്യൂസർ സന്തോഷ് കൃഷ്‍ണൻ, ഡി ഒ പി ഷാരോൺ ശ്രീനിവാസ്, മ്യൂസിക് അങ്കിത് മേനോൻ, എഡിറ്റർ ശ്രീജിത്ത് സാരംഗ്, ആർട്ട് അരവിന്ദ് വിശ്വനാഥൻ, എക്സിക്യൂട്ടീവ് പ്രൊഡ്യൂസർ നവീൻ പി തോമസ്, ഉണ്ണി രവി, വസ്ത്രാലങ്കാരം സമീറ സനീഷ്, മേക്കപ്പ് റോണക്സ് സേവിയർ, ചീഫ് അസ്സോസിയേറ്റ് സുഹൈൽ എം, സുഹൈൽ കോയ, മുത്തു, അഡ്മിനിസ്ട്രേഷൻ & ഡിസ്ട്രിബ്യൂഷന്‍ ഹെഡ് ബബിൻ ബാബു, പ്രൊഡക്ഷൻ ഇൻ ചാർജ് അഖിൽ യെശോധരൻ, പ്രൊഡക്ഷൻ കൺട്രോളർ ഗിരീഷ് കൊടുങ്ങല്ലൂർ, സൗണ്ട് ഡിസൈൻ വിക്കി, കാസ്റ്റിംഗ് ഡയറക്ടർ നവാസ് ഒമർ, സ്റ്റിൽസ് സെറീൻ ബാബു, ടൈറ്റിൽ & പോസ്റ്റേഴ്സ് യെല്ലോ ടൂത്ത്സ്, ഡിസ്ട്രിബ്യൂഷന്‍ മാജിക് ഫ്രെയിംസ് റിലീസ്, മാർക്കറ്റിംഗ് സൗത്ത് ഫ്രെയിംസ് എന്റർടൈൻമെന്റ്, ഡിജിറ്റൽ പിആർ ആഷിഫ് അലി, അഡ്വർടൈസ്‌മെന്റ് ബ്രിങ്ഫോർത്ത്, പിആർഒ പ്രതീഷ് ശേഖർ
