അമ്മാവൻ ആയതിന്റെ സന്തോഷം പങ്ക് വച്ച് നടൻ വിശാൽ
ആര്യ : സയേഷ താരജോഡികൾക്ക് പെൺകുഞ്ഞു പിറന്നതിന്റെ സന്തോഷം പങ്ക് വച്ച് നടനും ആര്യയുടെ അടുത്ത സുഹൃത്തുമായ വിശാൽ .
തന്റെ ട്വിറ്റെർ പേജിലൂടെ ആണ് താരം അമ്മാവൻ ആയ സന്തോഷം പറഞ്ഞറിയിക്കാൻ പറ്റാത്തതാണ് എന്ന് വ്യക്തമാക്കിയിരിക്കുന്നത്.
ആര്യയും സയേഷയും ഈ വാർത്ത ഉടനെ തന്നെ ഔദ്യോഗികമായി അറിയിക്കുമെന്നാണ് സൂചന.
അമ്മയും കുഞ്ഞും സുഖമായി ഇരിക്കുന്നു.
2019 ലായിരുന്നു ആര്യയുടെയും സയേഷയുടെയും വിവാഹം. ഗജനികാന്ത് എന്ന ചിത്രത്തിന്റെ ഷൂട്ടിംഗ് ലൊക്കേഷനിൽ വച്ച് ഇരുവരും പ്രണയത്തിലാവുകയായിരുന്നു.
“എങ്ക വീട്ട് മാപ്പിളൈ” എന്ന തമിഴ് റിയലിറ്റി ഷോയിലൂടെ ആര്യ വധുവിനെ തിരഞ്ഞെടുക്കും എന്ന് പറഞ്ഞു അവസാനത്തിൽ ആരെയും തിരഞ്ഞെടുക്കാതെ ആര്യ ഷോയിൽ നിന്ന് പിന്മാറിയത് വലിയ വിവാദങ്ങൾക്ക് വഴി വച്ചിരുന്നു. കാശിനുവേണ്ടിയാണ് ആര്യ ഇത്തരത്തിൽ ഒരു ഷോ നടത്തിയതെന്ന് പറഞ്ഞു ഒരു വിഭാഗം വാദം ഉയർത്തിയിരുന്നു.
ഇതിനു ശേഷമാണ് സയേഷയുമായി വിവാഹം നടന്നത്.
