രാക്ഷസൻ എന്ന സിനിമയിലൂടെ ശ്രദ്ധേയനായ വിഷ്ണു വിശാലും ബാഡ്മിന്റൺ താരം ജ്വാല ഗുട്ടും വിവാഹിതരായി. ഹൈദരാബാദിൽ വച്ചായിരുന്നു വിവാഹം. ഏറെ നാളായി ഇരുവരും പ്രണയത്തിലായിരുന്നു. കഴിഞ്ഞ ദിവസം ഹൽദി, മെഹന്ദി ചടങ്ങുകളും നടന്നിരുന്നു. കുടുംബാംഗങ്ങളും അടുത്ത സുഹൃത്തുക്കളും പങ്കെടുത്ത മെഹന്തി ചടങ്ങിന്റെ ചിത്രങ്ങൾ ജ്വാല തന്റെ ഇൻസ്റ്റഗ്രാം പേജിൽ ഷെയർ ചെയ്തിട്ടുണ്ട്. ബേബി പിങ്ക് ലെഹങ്കയും യെല്ലോ ലെഹങ്കയുമായിരുന്നു മെഹന്തി ചടങ്ങുകളിൽ ജ്വാല ധരിച്ചത്.
ആരണ്യ എന്ന ദ്വിഭാഷ ചിത്രത്തിൽ റാണ ദഗുബതിയുടെ ഒപ്പമാണ് താരം അഭിനയിക്കുന്നത്. രണ്ടു പേരുടെയും രണ്ടാം വിവാഹമാണിത്. മുണ്ടാസു പട്ടി, ജീവ, വേലയുന്നു വന്ദുട്ട വെല്ലയ്ക്കാരൻ, ഇന്ത്രൂ നെട്ട്രൂ നാലൈ, രാചസൻ എന്നിവയൊക്കെ താരത്തിൻ്റേ ശ്രദ്ധേയമായ ചിത്രങ്ങളിൽ ചിലതാണ്.
2010ലാണ് വിഷ്ണു സുഹൃത്തായ രജനിയെ വിവാഹം ചെയ്യുന്നത്. 2018ൽ ഇരുവരും വേർപിരിഞ്ഞു. ഇരുവർക്കും ആര്യൻ എന്ന പേരുള്ള ഒരു മകനുണ്ട്. ബാഡ്മിന്റൺ താരം ചേതൻ ആനന്ദുമായി ആറു വർഷത്തെ വിവാഹ ജീവിതത്തിനു ശേഷമാണ് ജ്വാല ഗട്ട് പിരിഞ്ഞത്.
ഏപ്രിൽ 22 ന് തങ്ങൾ വിവാഹിതരാകാൻ പോകുന്ന വിവരം സോഷ്യൽ മീഡിയ വഴിയാണ് വിഷ്ണുവും ജ്വാലയും അറിയിച്ചത്.
