മിനിസ്‌ക്രീൻ പ്രേക്ഷകരുടെ ഇഷ്ടതാരമാണ് ഗായത്രി അരുൺ. ‘പരസ്പരം’ എന്ന പരമ്പരയിലൂടെയാണ് ഗായത്രി ആരാധകരുടെ ഇഷ്ടം നേടിയത്. ആറ് വർഷത്തോളം സംപ്രേക്ഷണം ചെയ്ത പരമ്പരയിൽ ദീപ്തി ഐപിഎസ് എന്ന കഥാപാത്രത്തെയായിരുന്നു ഗായത്രി അവതരിപ്പിച്ചത്. പരസ്പരം പരമ്പര അവസാനിച്ച ശേഷം പ്രമുഖ ചാനലിലെ റിയാലിറ്റി ഷോയിൽ അവതാരകയായും ഗായത്രി എത്തിയിരുന്നു.
മിനിസ്‌ക്രീനിൽ നിന്ന് ബിഗ് സ്‌ക്രീനിലേക്കും താരം ചുവടു വെച്ചിരുന്നു. സർവോപരി പാലാക്കാരൻ എന്ന ചിത്രത്തിലൂടെയാണ് ഗായത്രി സിനിമയിൽ അരങ്ങേറ്റം കുറിച്ചത്. അതിനു ശേഷം ഓർമ്മ, തൃശൂർപൂരം എന്നെ ചിത്രങ്ങളിലും അഭിനയിച്ചു. മമ്മൂട്ടി ചിത്രം വൺ, അർജുൻ അശോകന്റെ മെമ്പർ രമേശൻ തുടങ്ങിയ ചിത്രങ്ങളാണ് ഗായത്രിയുടെ ഏറ്റവും പുതിയ ചിത്രങ്ങൾ. ബിഗ് സ്‌ക്രീനിൽ അത്ര സജീവമല്ലാതിരുന്നിട്ടും മിനിസ്‌ക്രീനിലേക്ക് തിരികെയെത്താത്തതിന്റെ കാരണം ഇപ്പോൾ തുറന്നു പറയുകയാണ് ഗായത്രി. പ്രമുഖ മാധ്യമത്തിന് നൽകിയ അഭിമുഖത്തിലാണ് ഗായത്രി മനസ് തുറന്നത്.
” പരസ്പരം എന്ന സീരിയൽ ഒരു വൻ വിജയമായിരുന്നു ഒരുപാട് ആളുകൾ എന്നെ അതിലൂടെ തിരിച്ചറിഞ്ഞു ഇപ്പോളും എന്നെ ആളുകൾ കണ്ടാൽ വിളിക്കുന്നത് ദീപ്തി ഐ പി എസ് എന്നാണ് എനിക്ക് സമൂഹമാധ്യമങ്ങളിൽ വരുന്ന കമന്റുകളിൽ എല്ലാം തന്നെ ദീപ്തി എന്നാണ് എന്നെ അഭിസംബോധന ചെയ്യാറുള്ളത് അത്രയ്ക്കും പോപ്പുലർ ആയിരുന്നു ആ കഥാപാത്രം. എന്നാൽ പിന്നീട് സീരിയലുകളിൽ ഒന്നും ഞാൻ അഭിനയിച്ചിട്ടില്ല. ധാരാളം ഓഫറുകൾ പിന്നീട് വന്നു പക്ഷെ അതൊന്നും ദീപ്തി പോലെ നല്ല കാമ്പുള്ള കഥാപാത്രമായിരുന്നില്ല വന്ന കഥാപാത്രങ്ങളെല്ലാം തന്നെ സ്ഥിരം നമ്മൾ കണ്ടുമടുത്ത കഥാപാത്രങ്ങളായിരുന്നു അതുകൊണ്ടാണ് താൻ പിന്നീട് സീരയൽ മേഖലയിലേക്ക് സജീവമാകാതെ പോയത്.” ഗായത്രി പറയുന്നു
