മലയാളത്തിന്റെ പ്രിയനടിയാണ് കവിയൂർ പൊന്നമ്മ. അമ്മ കഥാപാത്രങ്ങളിലൂടെയാണ് ഇപ്പോൾ സിനമയിൽ സജീവമായിരിക്കുന്നത്. അഭിനയിച്ച സിനിമകളിലധികവും മോഹൻലാലിന്റെ അമ്മയായിട്ടാണ് അഭിനയിച്ചിരിക്കുന്നത്. അതിനാൽ തന്നെ പലർക്കും ഞങ്ങൾ യഥാർത്ഥത്തിൽ അമ്മയും മകനുമാണോയെന്ന് പലർക്കും സംശയമുണ്ടായിരുന്നതായി കവിയൂർ പൊന്നമ്മ നേരത്തെ പറഞ്ഞിരുന്നു. സിനിമ ജീവിതം വിജയമായിരുന്നെങ്കിലും സ്വകാര്യ ജീവിതം അങ്ങനെ അല്ല എന്ന് പലപ്പോഴും കവിയൂർ പൊന്നമ്മ തുറന്ന് പറഞ്ഞിട്ടുണ്ട്.
ഇരുപത്തി രണ്ടാം വയസ്സിൽ ചെയ്ത സിനിമയിലെ അമ്മ വേഷത്തെക്കുറിച്ച് തുറന്നു പറയുകയാണ് ഇപ്പോൾ.‘ഞാൻ ഇരുപത്തി രണ്ടാം വയസ്സിൽ തന്നെ അമ്മ വേഷം ചെയ്തു, അതും എന്റെ അച്ഛന്റെ പ്രായമുള്ള സത്യൻ മാഷിന്റെ അമ്മയായിട്ട് തൊമ്മന്റെ മക്കൾ എന്ന സിനിമയിൽ മധു സാറിന്റെയും സത്യൻ മാഷിന്റെയും അമ്മയായിട്ടാണ് ഞാൻ അഭിനയിച്ചത്. സംവിധായകൻ സേതു മാധവനായിരുന്നു. അദ്ദേഹം എന്നോട് ചോദിച്ചു പൊന്നമ്മച്ചിക്ക് അമ്മയായി അഭിനയിക്കുന്നതിന് കുഴപ്പമുണ്ടോ? എന്ന്. ഞാൻ പറഞ്ഞു എന്ത് കുഴപ്പം എല്ലാത്തിനും ഞാൻ റെഡിയായിരുന്നു. നായിക എന്നതൊന്നും എന്റെ മനസ്സിൽ പോലുമില്ലായിരുന്നു. കിട്ടുന്ന വേഷങ്ങൾ ചെയ്യുക എന്നതായിരുന്നു.
‘തൊമ്മന്റെ മക്കൾ’ എന്ന സിനിമയിൽ സത്യൻ മാഷിന്റെയും മധു സാറിന്റെയും അമ്മയായി അഭിനയിക്കാമോ എന്ന് ചോദിച്ചു ഞാൻ സമ്മതിച്ചു. പിന്നീട് നസീർ സാറിന്റെ എത്രയോ സിനിമകളിൽ ഞാൻ അദ്ദേഹത്തിന്റെ അമ്മ വേഷം ചെയ്തു. പിന്നീട് ലാലിന്റെ അമ്മയായിട്ടാണ് ഞാൻ കൂടുതലും അഭിനയിച്ചത്
