ലോകത്ത് കോവിഡ്-19 എന്ന മഹാമാരി വലിയ ദുരിതം വിതച്ചതിനാൽ ഈ വർഷത്തെ ഓണാഘോഷത്തോട് ചേർന്ന് നിൽക്കില്ലെന്ന് തുറന്നു പറയുകയാണ് നടി സീമ. ലോകം മൊത്തം ആളുകൾ മരിച്ചു വീഴുമ്ബോൾ എന്ത് ഓണം എന്നാണ് സീമയുടെ ചോദ്യം. ഐവി ശശിയും അമ്മയും അടുത്തടുത്ത വർഷങ്ങളിൽ വിട്ടു പിരിഞ്ഞതിനാൽ കഴിഞ്ഞ രണ്ടു വർഷമായി ഓണം ആഘോഷിച്ചിട്ടില്ലെന്നും സീമ പറയുന്നു.
ശശിയേട്ടൻ ഉള്ളപ്പോൾ ഓണാഘോഷം ഗംഭീരമായിരുന്നു. ശശിയേട്ടന് എന്നും ഓണമായിരുന്നു. എന്ന് പറയാം. ലൊക്കേഷനിലായാലും, വീട്ടിലായാലും ആഘോഷത്തിന് ഒരു കുറവുമുണ്ടാകില്ല. എല്ലാവരും ഒന്നിച്ച്‌ ചേർന്നുള്ള ആ ഓണക്കാലങ്ങളാണ് ഇപ്പോഴും എപ്പോഴും മനസ്സിൽ നിറഞ്ഞു നിൽക്കുന്നത്. ശശിയേട്ടൻ പോയപ്പോൾ അതൊക്കെകൂടിയാണ് നഷ്ടമായത്.
ശശിയേട്ടനും അമ്മയും അടുത്തടുത്ത വർഷങ്ങളിൽ വിട്ടു പിരിഞ്ഞതിനാൽ കഴിഞ്ഞ രണ്ടു വർഷമായി ഓണഘോഷമില്ല. ഈ വർഷം ഓണം ആഘോഷിക്കാൻ പറ്റിയ ഒരു സാഹചര്യവുമില്ലല്ലോ, ലോകം മൊത്തം ആളുകൾ മരിച്ചു വീഴുമ്പോൾ എന്ത് ഓണം. എല്ലാവരും എത്രയും പെട്ടെന്ൻ ഈ ദുരിതത്തിൽ നിന്ന് കരകയറട്ടെ എന്നാണ് എന്റെ ആശംസ. ഇനി വരുന്ന ഓണക്കാലങ്ങൾ സന്തോഷമായിരിക്കട്ടെ എന്ന് പ്രാർത്ഥിക്കാമെന്നും സീമ പറഞ്ഞു
