അഞ്ച് വർഷങ്ങൾക്ക് ശേഷം ഉണ്ണി മുകുന്ദൻ മോഹൻലാലിനൊപ്പം അഭിനയിക്കുന്നത് രണ്ട് ചിത്രങ്ങളിൽ…
ഉണ്ണിമുകുന്ദൻ ആദ്യമായി മോഹൻലാലിനൊപ്പം അഭിനയിക്കുന്നത് തെലുങ്ക് ചിത്രമായ ജനതാ ഗാരേജിൽ ആണ്. എന്നാല് മലയാളത്തില് അത്തരമൊരു വേഷം ഉണ്ണിക്ക് ഇതുവരെ ലഭിച്ചിരുന്നില്ല. എന്നാൽ ഇപ്പൊൾ ഉണ്ണിയുടെ ആ ആഗ്രഹവും സഫലമായി. മോഹൻലാലിനൊപ്പം രണ്ടു ചിത്രങ്ങളിൽ ആണ് ഇപ്പൊൾ അഭിനയിച്ചുകൊണ്ടിരിക്കുന്നത്. വൻ വിജയമായിരുന്നു ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന ബ്രോ ഡാഡിയിൽ ഉണ്ണി അതിഥി വേഷത്തിൽ മോഹൻലാലിനൊപ്പം അഭിനയിക്കുന്നതു കൂടാതെ ജീത്തു ജോസഫിൻ്റെ 12ത്ത് മാനിൽ മുഴുനീള കഥാപാത്രമായും ഉണ്ണി എത്തുന്നുണ്ട്.
മോഹൻലാലിനെ കൂടാതെ കല്യാണി പ്രിയദര്‍ശന്‍, മീന, ലാലു അലക്സ്, മുരളി ഗോപി, കനിഹ, സൗബിന്‍ ഷാഹിര്‍ എന്നിവർ പ്രധാന കഥാപാത്രമായി എത്തുന്ന ബ്രോ ഡാഡിയിൽ സംവിധായകൻ പ്രിഥ്വിരാജും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ദൃശ്യത്തിന് ശേഷം ജീത്തു ജോസഫ് സംവിധാനം ചെയ്യുന്ന 12ത്ത് മാനും പൃഥ്വിരാജിൻ്റെ ബ്രോ ഡാഡിയും ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ ആണ് നിർമിക്കുന്നത്.
