മലയാളികൾക്ക് പ്രിയപ്പെട്ട മിനി സ്‌ക്രീൻ താരങ്ങളിൽ ഒരാളാണ് മുടിയൻ എന്ന വിളിപ്പേരിൽ അറിയപ്പെടുന്ന റിഷി കെ . ഡി ഫോർ ഡാൻസ് എന്ന ഡാൻസ് റിയാലിറ്റി ഷോയിലൂടെ പ്രശസ്തനായ റിഷി പിന്നീട് ഉപ്പും മുളകും എന്ന സീരിയലിലൂടെ മലയാളികളുടെ സ്വന്തം മുടിയൻ ആവുകയായിരുന്നു.
തന്റെ ജീവിതത്തിലെ ഏറ്റവും പ്രധാനപ്പെട്ട ഒരു വിശേഷം ആരാധകരോട് പങ്കുവെച്ചിരിക്കുകയാണ് റിഷി. ദീർഘനാളായിട്ടുള്ള കാമുകിയെ റിഷി കഴിഞ്ഞ ദിവസം പരിചയപ്പെടുത്തി. തന്റെ യൂട്യൂബ് ചാനലിലൂടെയായിരുന്നു റിഷി കാമുകി ആരാണെന്നത് വെളിപ്പെടുത്തിയത്.
നടി കൂടിയായ ഡോ. ഐശ്വര്യയാണ് റിഷിയുടെ കാമുകി. ആറ് വർഷത്തോളമായി തങ്ങൾ പ്രണയത്തിലാണെന്നും റിഷി വെളിപ്പെടുത്തി. റിഷിയുടെ കുടുംബാംഗങ്ങളും വീഡിയോയിൽ എത്തിയിരുന്നു. പൂഴിക്കടകൻ, സകലകലാശാല, അലമാര തുടങ്ങിയ സിനിമകളിൽ അഭിനയിച്ച ഐശ്വര്യ കുടുംബവിളക്ക്, സുഖമോ ദേവി തുടങ്ങിയ സീരിയലുകളിലും അഭിനയിച്ചിരുന്നു.
