ആദ്യമായി സംവിധാനം ചെയ്ത ‘തോന്നൽ’ മ്യൂസിക് വീഡിയോ ഹിറ്റ് ആയതിന്റെ സന്തോഷത്തിലാണ് അഹാന കൃഷ്ണ. ഇൻസ്റ്റഗ്രാം പോസ്റ്റിലൂടെ ആരാധകരോട് അഹാന നന്ദി പറഞ്ഞിരുന്നു. കൂടാതെ ‘തോന്നൽ’ വീഡിയോയ്ക്ക് അഹാനയും സഹോദരിമാരും ചേർന്ന് ഡാൻസ് കവർ ഒരുക്കിയിരിക്കുകയാണ്. ഒക്ടോബർ 30 നാണ് വീഡിയോ പുറത്തിറക്കിയത്. തോന്നൽ വീഡിയോയുടെ സംഗീതം ഗോവിന്ദ് വസന്തയും വരികൾ ഷറഫുവിന്റേതാണ്. ‘ലൂക്ക’യുടെ ഛായാഗ്രഹണം നിർവ്വഹിച്ച നിമിഷ് രവിയാണ് അഹാനയുടെ ആദ്യ സംവിധാനസംരംഭത്തിന്റെയും ക്യാമറ കൈകാര്യം ചെയ്തിരിക്കുന്നത്. ”വളരെ മനോഹരമായി ചിത്രീകരിക്കുകയും അവതരിപ്പിക്കുകയും ചെയ്തിരിക്കുന്നു. എഡിറ്റിങ്ങിലും മികവ് പുലർത്തിയിട്ടുണ്ട്. വളരെ നന്നായിട്ടുണ്ട് അഹാന. ഇനിയും സംവിധായിക എന്ന നിലയിൽ കൂടുതൽ വർക്കുകൾ പ്രതീക്ഷിക്കുന്നു,” തോന്നൽ മ്യൂസിക് വീഡിയോ ഷെയർ ചെയ്തുകൊണ്ട് പൃഥ്വിരാജ് അഭിനന്ദിച്ചു.
