![](https://i0.wp.com/moviegaang.in/wp-content/uploads/2022/10/air-india.jpg?resize=696%2C392&ssl=1)
ദുബായ്: ദുബായിൽ നിന്നും കേരളത്തിലേക്ക് കുറഞ്ഞ നിരക്കിൽ സർവീസുമായി എയർ ഇന്ത്യ എക്സ്പ്രസ്. കേരളത്തിലേക്ക് മാത്രമല്ല, മംഗ്ലുരുവിലേക്കും കുറഞ്ഞ നിരക്കിൽ എയർ ഇന്ത്യ സർവീസ് നടത്താൻ തീരുമാനിച്ചിട്ടുണ്ട്. കേരളത്തിൽ തിരുവനന്തപുരം, കൊച്ചി, കോഴിക്കോട്, എന്നീ കേന്ദ്രങ്ങളിലേക്കാണ് കുറഞ്ഞ നിരക്ക് പ്രഖ്യാപിച്ചിരിക്കുന്നത്. മൊത്തം 10 കേന്ദ്രങ്ങളിലേക്ക് എയർ ഇന്ത്യ എക്സ്പ്രസ് കുറഞ്ഞ ടിക്കറ്റ് നിരക്ക് പ്രഖ്യാപിച്ചിട്ടുണ്ട്. എയർ ഇന്ത്യ അവരുടെ ട്വിറ്ററിലൂടെയാണ് ഇക്കാര്യം പുറത്തുവിട്ടത്.
കോഴിക്കോട്. 269 ദിർഹം, തിരുവനന്തപുരം. 445 ദിര്ഹം, കൊച്ചി. 380 ദിർഹം, മംഗ്ലുരു. 298 ദിർഹം എന്നിങ്ങനെയാണ് വൺവേ ടിക്കറ്റ് നിരക്ക് ഉള്ളത്. കൂടാതെ മറ്റു നഗരങ്ങളിലേക്കുള്ള നിരക്കുകൾ ഇങ്ങനെ ഡൽഹി–298, ജയ്പൂർ–313, തിരുച്ചി–570, , മുംബൈ–279 ദിർഹം, ലക്നൗ–449, അമൃത് സർ–445 എന്നിങ്ങനെയാണ് നിരക്കുള്ളത്.
ദുബായിൽ നിന്നും കോഴിക്കോട്ടേയ്ക്ക് ആഴ്ചയിൽ 13 സർവീസുകൾ ആണ് നടത്തുക. എന്നാൽ കൊച്ചിയിലേക്ക് ഏഴ് സർവീസുകൾ ആണ് ആഴ്ചയിൽ നടത്തുക. തിരുവനന്തപുരത്തേക്ക് അഞ്ച് സർവീസുകൾ ആണ് നടത്താൻ തീരുമാനിട്ടിരിക്കുന്നത്. മംഗ്ലുരുവിലേയ്ക്ക് 14 സർവീസുകളും ആഴ്ചയിൽ നടത്തും. അടുത്ത മാസം പകുതിവരെയും ആ നിരക്ക് തുടരാൻ തന്നെയാണ് സാധ്യത എന്നാണ് ഇപ്പോഴുള്ള കണക്കുക്കൂട്ടൽ.