വ്യക്തിജീവിതവും സിനിമ ജീവിതം രണ്ടായി കാണാൻ സാധിക്കാത്ത സെലിബ്രിറ്റികളാണ് നമുക്ക് ചുറ്റും. മിക്ക സെലിബ്രിറ്റികളും ഓൺ സ്ക്രീനിലും ഓഫ് സ്ക്രീനിലും ഒരുപോലെ പ്രേക്ഷകർ ശ്രദ്ധിക്കപ്പെടണം എന്ന് ആഗ്രഹിക്കുന്നവരാണ്. എന്നാൽ ഇതിൽ നിന്നും വ്യത്യസ്തരായ ചില നടന്മാരും നടിമാരും ഉണ്ട്. സിനിമക്കപ്പുറം നടക്കുന്നതൊക്കെ തങ്ങളുടെ സ്വകാര്യ നിമിഷങ്ങളും കാര്യങ്ങളും ആണെന്ന് ബോധത്തിൽ ഉറച്ചുനിൽക്കുന്നവർ. ഇത്തരത്തിൽ ഒരാളാണ് നടൻ അജിത് കുമാർ. ഇപ്പോഴിതാ ഇത്തരത്തിൽ നടനും ഭാര്യയും മലയാളികളുടെ എക്കാലത്തെയും ഇഷ്ട നാഡിയുമായ ശാലിനിയുടെയും കേരളത്തിലെ ക്ഷേത്ര സന്ദർശനത്തെ കുറിച്ചുള്ള വാർത്തകളും ചിത്രങ്ങളുമാണ് ഇൻറർനെറ്റിൽ ട്രെൻഡ് ആകുന്നത്.
പാലക്കാട് പെരുവെമ്പ് എന്ന സ്ഥലത്തുള്ള പ്രശസ്തമായാ ഊട്ടുകുളങ്ങര ഭഗവതി ക്ഷേത്രത്തിൽ നിന്നുള്ള കുടുംബസമേതം ക്ഷേത്ര മുറ്റത്തു നിന്നുള്ള താരത്തിന്റെ ചിത്രങ്ങളാണിപ്പോൾ വൈറൽ ആയി കൊണ്ടിരിക്കുന്നത്. ഈ ചിത്രത്തിൽ നടന്റെ നെഞ്ചിലെ ടാറ്റൂ വളരെ വ്യക്തമാണ്. ഇതാണ് ആരാധകർ ഇപ്പോൾ ചർച്ചയാകുന്നത്. സിംപിൾ ആയി മുണ്ടും, മേൽമുണ്ടും ധരിച്ചാണ് അജിത് അമ്പലത്തിൽ എത്തിയത്. നടന്റെ നെഞ്ചിന്റെ വലത് ഭാഗത്തായി വലിയൊരു ടാറ്റൂവും ചെയ്തിരിക്കുന്നത് കാണാം. പരദേവതയായ ഭഗവതിയുടെ ചിത്രം തന്നെയാണ് അജിത് പച്ച കുത്തിയിരിക്കുന്നത് എന്നാണ് റിപ്പോർട്ടുകൾ.
