അജു വർഗീസിന്റെ പുതിയ ഗെറ്റപ്പാണ് സോഷ്യൽ ലോകത്ത് വൈറലായിരിക്കുന്നത്. ലൂസിഫറിലെ സ്റ്റീഫൻ നെടുമ്പള്ളി എന്ന കഥാപാത്രത്തിന്റെ ലുക്കിലാണ് അജു എത്തിയത്. മോഹൻലാൽ എന്ന് കരുതി ചിത്രത്തിന് ലൈക്കടിച്ചവരും ഏറെയാണ്. അജുവിന്റെ പുതിയ കഥാപാത്രമായ തടത്തിൽ സേവ്യറിനായുള്ള മേക്ക് ഓവറാണിത്.
ഷൂട്ടിംഗ് പുരോഗമിക്കുന്ന ഉണ്ണിമുകുന്ദൻ ചിത്രം ‘മേപ്പഡിയാന്റെ’ ലൊക്കേഷനിൽ നിന്നുള്ള ഫോട്ടോ അജു വർഗീസ് തന്നെയാണ് തന്റെ ഇൻസ്റ്റാഗ്രാമിൽ പങ്കുവച്ചത്. മോഹൻ ലാലിന്റെ അതേരൂപത്തിലുള്ള അജു വർഗീസിന്റെ ചിത്രം ആരാധകർ ഏറ്റെടുത്തിട്ടുണ്ട്. പോസ്റ്റ് ചെയ്ത് നിമിഷങ്ങൾക്കകം തന്നെ ചിത്രം വൈറലാവുകയും ചെയ്തു.
