കേസരി ചാപ്റ്റർ 2 നടന്മാരായ അക്ഷയ് കുമാർ, ആർ മാധവൻ, അനന്യ പാണ്ഡെ എന്നിവർ തിങ്കളാഴ്ച അമൃത്സറിലെ സുവർണ്ണ ക്ഷേത്രത്തിൽ ദര്‍ശനം നടത്തി. ചിത്രത്തിന്‍റെ പ്രമോഷന്‍റെ ഭാഗമായാണ് ഇവരുടെ സുവര്‍ണ്ണ ക്ഷേത്ര സന്ദര്‍ശനം.
സന്ദർശനത്തിന്റെ ഒരു ഫോട്ടോ അക്ഷയ് ഇൻസ്റ്റാഗ്രാമിൽ പങ്കിട്ടു. ചിത്രത്തിൽ, മൂന്ന് അഭിനേതാക്കളും പുണ്യസ്ഥലത്തിന് മുന്നിൽ കൂപ്പുകൈകളോടെ നിൽക്കുന്നത് ചിത്രത്തില്‍ കാണാം. സന്ദർശനത്തിന്റെ ഒരു ഫോട്ടോ അന്യ പാണ്ഡേയും പങ്കിട്ടിട്ടുണ്ട്. ചിത്രത്തിന് അനുഗ്രഹം തേടിയുള്ള സന്ദേശവും അനന്യ എഴുതിയിട്ടുണ്ട്.
കരൺ സിംഗ് ത്യാഗി സംവിധാനം ചെയ്ത് കരൺ ജോഹർ നിർമ്മിച്ച കേസരി 2 ഏപ്രിൽ 18 ന് തിയേറ്ററുകളിൽ എത്തും. ജാലിയൻ വാലാബാഗ് കൂട്ടക്കൊലയ്ക്ക് പിന്നിലെ പറയപ്പെടാത്ത കഥ പറയുന്ന ചിത്രത്തിൽ അക്ഷയ് കുമാർ മലയാളിയായ അഭിഭാഷകന്‍ സി. ശങ്കരൻ നായരായി അഭിനയിക്കുന്നു. ചിത്രത്തില്‍ കഥകളി വേഷത്തില്‍ എത്തിയ അക്ഷയ് കുമാറിന്‍റെ ലുക്ക് ഏറെ ശ്രദ്ധിക്കപ്പെട്ടിരുന്നു.
