ആൻഡ്രോയിഡ് കുഞ്ഞപ്പൻ റീലോഡിങ്- രണ്ടാം ഭാഗം ഉടൻ
സുരാജ് വെഞ്ഞാറമ്മൂട് നായകനായ ഹിറ്റ് ചിത്രം ആൻഡ്രോയിഡ് കുഞ്ഞപ്പന്‍റെ രണ്ടാം ഭാഗം
വരുന്നു. ‘ഏലിയൻ അളിയൻ’ എന്നാണ് പേരിട്ടിരിക്കുന്നത്. രതീഷ് ബാലകൃഷ്ണ പൊതുവാൾ തന്നെയാണ്
രണ്ടാം ഭാഗവും സംവിധാനം ചെയ്യുന്നത്. അച്ഛനായി സുരാജും മകനായി സൗബിനും ഇവരുടെ
ഇടയിൽ എത്തുന്ന റോബോട്ടും ചേർന്ന കഥ സൂപ്പർ ഹിറ്റായിരുന്നു. കുഞ്ഞപ്പനെന്ന റോബോട്ടായി
എത്തി സൂരജ് തേലക്കാടും ക്യടി നേടി.
കെന്‍റി സിർഡോ, സൈജു കുറുപ്പ്, മാല പാർവതി തുടങ്ങിയവരും പ്രധാനവേഷത്തിൽ എത്തി. ചിത്രത്തിലെ
വൃദ്ധനായ അച്ഛന്‍റെ ഭാവങ്ങൾ അതിമനോഹരമായി അഭിനയിച്ച സുരാജ്
വെഞ്ഞാറമൂടിന് മികച്ച നടനുള്ള സംസ്ഥാന പുരസ്കാരവും ലഭിച്ചിരുന്നു. ഏലിയൻ അളിയനിൽ സുരാജ്
തന്നെയായിരിക്കുമോ പ്രധാനവേഷത്തിൽ എന്നത് പുറത്തുവിട്ടിട്ടില്ല. മൂൺഷോട്ട് എന്‍റർടെയ്ൻമെന്‍റിന്‍റെ
ബാനറിൽ സന്തോഷ്.ടി.കുരുവിളയാണ് നിർമാണം.
അതിനിടെ ആൻഡ്രോയിഡ് കുഞ്ഞപ്പൻ തമിഴിലേക്കും റീമേക്ക് ചെയ്യുന്നുണ്ട്. ഗൂഗിൾ കുട്ടപ്പൻ എന്നാണ്
പേരിട്ടിരിക്കുന്നത്. സംവിധായകനും നടനുമായ കെ.എസ്. രവികുമാറാണ് ചിത്രത്തിൽ
സുരാജ് അവതരിപ്പിച്ച കഥാപാത്രത്തെ അവതരിപ്പിക്കുന്നത്. ബിഗ് ബോസ് താരങ്ങളായ തര്‍ഷാനും ലോസ്ലിയുമാണ്
മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
