ലോകമെമ്പാടുമുള്ള മലയാളി മനസ്സിനെ കുളിരണിയിക്കാൻ മറ്റൊരു ഓണക്കാലം കൂടി വന്നെത്തി. ലോകം കാർന്നെടുത്ത കൊറോണയ്ക്കിടയിലും മാസ്കും സാനിറ്റൈസറും സോഷ്യൽ ഡിസ്റ്റൻസുമെല്ലാമായി ഓണത്തെ വരവേൽക്കാൻ മലയാളികൾ സജ്ജമായി. നീണ്ട ലോക്ക്ഡൗൺ വരുത്തിയ കുരുക്കുകളിൽ നിന്ന് മാറി വരുന്നതിനോടൊപ്പം എത്തിയ ഓണത്തെ വർണാഭമായ വരവേൽക്കാൻ ആവില്ലെങ്കിലും കാണം വിറ്റും ഓണം ഉണ്ണണം എന്ന പോലെ കൈപിടിയിൽ ഒതുങ്ങുന്ന രീതിയിൽ ലളിതമായാണ് ആഘോഷം സജ്ജമാക്കിയിരിക്കുന്നത് .
