ലിജോ ജോസ് പെല്ലിശ്ശേരിയുടെ അങ്കമാലി ഡയറീസ് എന്ന ചിത്രത്തിലൂടെ ശ്രദ്ധേയനായ നടനാണ് ശരത് കുമാര്‍. ആ ചിത്രത്തിലെ അപ്പാനി രവി എന്ന വില്ലന്‍ കഥാപാത്രം ഏറെ ശ്രദ്ധ നേടിയതോടെ ആ കഥാപാത്രത്തിന്റെ പേരിലും അതുപോലെ അപ്പാനി ശരത് എന്ന പേരിലും ശരത് കുമാര്‍ പ്രേക്ഷകരുടെ ഇടയില്‍ അറിയപ്പെട്ടു തുടങ്ങി.
ഇപ്പോഴിതാ തന്റെ ഏറ്റവും പുതിയ വിശേഷം പങ്കുവെച്ച്‌ കൊണ്ട് എത്തിയിരിക്കുകയാണ് താരം. രണ്ടാമതും അച്ഛനാകാന്‍ പോകുന്നതിന്റെ സന്തോഷത്തില്‍ ആണ് അപ്പനി ശരത്ത് ഇപ്പോള്‍. ഭാര്യയുടെ മെറ്റേര്‍ണിട്ടി ഫോട്ടോഷൂട്ട് ചിത്രങ്ങള്‍ പങ്കുവെച്ചുകൊണ്ടാണ് അപ്പനി ശരത്ത് തങ്ങളുടെ വിശേഷം ആരാധകരുമായി പങ്കുവെച്ചത്. രേഷ്മയാണ് ശരത്തിന്റെ ഭാര്യ. അവന്തികയാണ് ഇവരുടെ ആദ്യത്തെ കുട്ടി. പ്രളയം ബാധിച്ച സമയത്ത് ആദ്യ കുഞ്ഞിന്റെ ജനന സമയം ഒട്ടേറെ കഷ്‌ടപ്പാടുകള്‍ അനുഭവിച്ചിരുന്നുവെന്നു ശരത്ത് പറഞ്ഞിരുന്നു. പ്രണയിച്ച്‌ വിവാഹം കഴിച്ച ശരത്തും രേഷ്മയും സന്തോഷകരമായ കുടുംബജീവിതം നയിക്കുകയാണ് ഇപ്പോള്‍. കൊറോണ കാലത്തിനു ശേഷം സിനിമയില്‍ വീണ്ടും സജീവമാകുകയാണ് അപ്പനി ശരത്ത്.
