നിങ്ങൾ വീട്ടിൽ ഫ്രിഡ്ജില് ആണോ നിങ്ങള് ഇരിക്കുന്നത്? അതോ കിടക്കയിലോ?. ആന്ഡ്രിയയും കവിനും കേന്ദ്ര കഥാപാത്രങ്ങളാകുന്ന ‘മാസ്ക്’ എന്ന സിനിമയുടെ ട്രെയ്ലര് ലോഞ്ചിൽ നടൻ വിജയ് സേതുപതി നടിയെ പുകഴ്ത്തി പറഞ്ഞ വാക്കുകളാണിത്. വര്ഷങ്ങള്ക്ക് മുമ്പ് കണ്ട അതേ രൂപത്തിലാണ് ഇന്നും ആന്ഡ്രിയ ഉള്ളതെന്നും നാളെ തന്റെ മകനും ആരാണ് ഈ പെണ്കുട്ടി എന്ന് അത്ഭുതത്തോടെ ചോദിക്കുമെന്നുമാണ് സേതുപതി പറഞ്ഞത്.
വിജയ് സേതുപതിയുടെ വാക്കുകൾ
”പണ്ട് ഞാന് ബീച്ചില് ഒരു പ്രതിമ വെച്ചിരിക്കുന്നത് കണ്ടു അതിന് ശേഷം ആന്ഡ്രിയയെ കണ്ടു. രണ്ടും ഇന്നും ഒരു മാറ്റവുമില്ലാതെ തുടരുന്നു. എങ്ങനെയാണ് ഇത്ര വര്ഷം കഴിഞ്ഞിട്ടും ചെറുപ്പമായി ഇരിക്കുന്നത്. സിനിമയുടെ ട്രെയ്ലര് കാണുമ്പോള് വടചെന്നൈയിലെ ചന്ദ്രയെ കണ്ടപോലെ തന്നെയുണ്ട്. പണ്ട് ഒരു പരസ്യത്തില് ആന്ഡ്രിയയെ കണ്ട ഓര്മ എനിക്കുണ്ട്.”
”അന്ന് ഞാന് ആലോചിച്ചിരുന്നു ആരാണ് ഈ പെണ്കുട്ടി എന്ന്. ഇന്നും ഞാന് അതേ ചോദ്യം തന്നെ ആവര്ത്തിക്കുന്നു. നാളെ എന്റെ മകനും ചോദിക്കും ആരാണ് ഈ പെണ്കുട്ടിയെന്ന്. സത്യമായിട്ടും അതേ അഴക് തന്നെ ഇപ്പോഴും. നിങ്ങള് വീട്ടില് പോയി ഫ്രിഡ്ജില് ആണോ ഇരിക്കുന്നത്, അതോ കിടക്കയിലോ? എന്തായാലും നന്നായി ഇരിക്കട്ടെ”
