ചെന്നൈ: കനത്ത മഴയും കാറ്റും കണക്കിലെടുത്ത് ചെന്നൈ വിമാനത്താവളം ഉച്ചയ്ക്ക് 1.15 നും 6 നും ഇടയിൽ വരുന്ന എല്ലാ വിമാനങ്ങളും നിർത്തിവച്ചു. പുറപ്പെടലുകൾ ഷെഡ്യൂൾ ചെയ്തതുപോലെ തുടരും. യാത്രക്കാരുടെ സുരക്ഷ കണക്കിലെടുത്താണ് തീരുമാനമെന്നും വിമാനത്താവളം അറിയിച്ചു.
വ്യോമഗതാഗതത്തിന് പുറമേ, മഴ വാഹന, റെയിൽ ഗതാഗതത്തെയും ബാധിച്ചു, ചെന്നൈയിലെ 13 സബ്‌വേകൾ വെള്ളപ്പൊക്കത്തിലും നഗരത്തിലെ പലയിടത്തും വെള്ളക്കെട്ടിലുമാണ്. ആവടിയിലും അമ്പത്തൂരിലും ട്രാക്കുകളിൽ വെള്ളം കയറിയതിനാൽ ചെന്നൈ സെൻട്രലിൽ നിന്ന് തിരുവള്ളൂരിലേക്കുള്ള ഭൂരിഭാഗം സർവീസുകളും നിർത്തിവച്ചതായി ദക്ഷിണ റെയിൽവേ അറിയിച്ചു. ഗുമ്മിഡിപൂണ്ടി ഭാഗത്തേക്കുള്ള വടക്കൻ ലൈനുകളിലും കാലതാമസമുണ്ട്.
തെക്കുപടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട ന്യൂനമർദം സംസ്ഥാനത്തിന്റെ വടക്കൻ തീരത്തേക്ക് നീങ്ങുകയാണ്. രാവിലെ 8.30 ന് ചെന്നൈയിൽ നിന്ന് 130 കിലോമീറ്റർ കിഴക്ക്-തെക്ക് കിഴക്കും പുതുച്ചേരിയിൽ നിന്ന് 150 കിലോമീറ്റർ കിഴക്ക്-വടക്ക് കിഴക്കുമായി. ഇത് പടിഞ്ഞാറ്-വടക്ക് പടിഞ്ഞാറ് ദിശയിലേക്ക് നീങ്ങി ഇന്ന് വൈകുന്നേരത്തോടെ കടക്കുമെന്ന് പ്രതീക്ഷിക്കുന്നു.
ഇന്നലെ രാത്രിയും ഇന്നു രാവിലെയും തമിഴ്‌നാട്ടിലെ പല ജില്ലകളിലും, പ്രത്യേകിച്ച് വടക്കൻ ജില്ലകളിൽ കനത്ത മഴ പെയ്തു; ഇതിൽ തലസ്ഥാനമായ ചെന്നൈയും സമീപത്തുള്ള ചെങ്കൽപട്ട്, തിരുവള്ളൂർ, കാഞ്ചീപുരം, വില്ലുപുരം എന്നിവയും ഉൾപ്പെടുന്നു. 14 പേരെങ്കിലും മരിച്ചതായി മുതിർന്ന ഉദ്യോഗസ്ഥൻ വാർത്താ ഏജൻസിയായ എഎൻഐയോട് പറഞ്ഞു.
