സോളോ ട്രാവൽ വീഡിയോകളിലൂടെ സൈബർ ഇടങ്ങളിൽ വൈറലായ താരമാണ് ബ്ലാക്ക് പാന്തർ എന്നറിയപ്പെടുന്ന അരുണിമ. ഇക്കഴിഞ്ഞ ദിവസം അമേരിക്കയിലൂടെ തന്റെ യാത്രകൾ നടത്തുന്നതിനിടെ തനിക്ക് അഭയം തന്ന വീട്ടിൽ നിന്നും മുന്നറിയിപ്പ് ഒന്നുമില്ലാതെ രാത്രിയിൽ തന്നെ ഇറക്കി വിട്ടെന്ന് പറഞ്ഞ് താരം രംഗത്തെത്തിയിരുന്നു. ജോർജ് എന്ന പേരുള്ള ഒരു വയോധികനാണ് തനിക്ക് അഭയം നൽകി തന്നെ വീട്ടിലേക്ക് കൊണ്ടുവന്നതെന്നും എന്നാൽ അദ്ദേഹത്തിന്റെ കൊച്ചുമകൾ തന്നെ ഇറക്കിവിടുകയായിരുന്നു എന്നുമായിരുന്നു അരുണിമ ആരോപിച്ചത്. പിന്നാലെ കാര്യങ്ങൾ നിഷേധിച്ച് രംഗത്തെത്തിയ ജോർജിന്റെ കുടുംബം അരുണിമ തന്നിഷ്ടപ്രകാരം വീട് വിട്ടു പോവുകയായിരുന്നു എന്ന് വ്യക്തമാക്കി ഒരു വീഡിയോയും പോസ്റ്റ് ചെയ്തിരുന്നു. ഇപ്പോഴിതാ മുൻ ബിഗ് ബോസ് താരവും സിനിമ റിവ്യൂവറുമായ സീക്രട്ട് ഏജന്റ് അരുണിമയെ പരിചയപ്പെട്ടപ്പോൾ തനിക്കുണ്ടായ അനുഭവം വ്യക്തമാക്കി രംഗത്ത് വന്നിരിക്കുകയാണ്.
ഒരു വ്യക്തിയുടെ സ്വകാര്യ ജീവിതം സോഷ്യൽമീഡിയയിൽ എക്സ്പോസ് ചെയ്ത അരുണിമയോട് യോജിക്കാനാവില്ല.നിങ്ങളെപ്പോലെ ലോകം കാണാത്തയാളല്ല താനെന്നും അരുണിമ പറയുന്നത് വിഡിയോയിൽ കേൾക്കാം. മാത്രമല്ല സംഭവം നടന്ന അന്നല്ല അരുണിമ വീഡിയോ പോസ്റ്റ് ചെയ്തത്. രണ്ട് ദിവസം കഴിഞ്ഞിട്ടാണ് ചെയ്തത്. അതുപോലെ അരുണിമ ജോർജ് എന്ന വ്യക്തിയോട് ചെയ്തത് മോശം പ്രവൃത്തിയാണ്. അത്രയും ദിവസം അരുണിമയെ നല്ല രീതിയിലാണ് ജോർജ് എന്നയാൾ ട്രീറ്റ് ചെയ്തത്. സ്ഥലങ്ങൾ കാണാൻ അടക്കം അയാൾ ഒപ്പം പോയി, പക്ഷെ ഇപ്പോൾ വീഡിയോ പോസ്റ്റ് ചെയ്തതിലൂടെ അരുണിമ അയാളെ നാട്ടുകാർക്ക് കടിച്ച് കീറാൻ ഇട്ട് കൊടുത്തത് പോലെയായി.
അരുണിമയെ ഞാൻ മലപ്പുറത്ത് വെച്ച് ഒരിക്കൽ കണ്ട് സംസാരിച്ചിട്ടുണ്ട്, അന്ന് അരുണിമയ്ക്കൊപ്പം വേറൊരു ലേഡി കൂടി ഉണ്ടായിരുന്നു. വിഡിയോ കണ്ടിട്ടുള്ളതുകൊണ്ട് അരുണിമയെ പോയി പരിചയപ്പെട്ടു. സഹായം വേണോയെന്ന് ചോദിച്ചു. ഞങ്ങളുടെ നാട്ടിൽ കൂടി പോകുന്നത് കൊണ്ടാണ് ഹെൽപ്പ് വേണോയെന്ന് ചോദിച്ചത്. അപ്പോൾ പറഞ്ഞു. പെരിന്തൽമണ്ണ ഭാഗത്തേക്ക് പോകാൻ ബസ് കിട്ടുന്ന സ്ഥലത്തേക്ക് ഒരു ലിഫ്റ്റ് തരാമോയെന്ന്.അങ്ങനെ ഞാൻ അവരെ വണ്ടിയിൽ കയറ്റി. അവർ മദ്യപിക്കുന്നതും മദ്യപിക്കാതിരിക്കുന്നതുമെല്ലാം അവരുടെ ഇഷ്ടം. പക്ഷെ അവർ കയറിയശേഷം കാറിനുള്ളിൽ മദ്യത്തിന്റെ ഭയങ്കര മണമായിരുന്നു. അതുകൊണ്ട് തന്നെ അവരെ ഒരു ബസ് കിട്ടുന്ന ഒരു ഏരിയയിൽ ഞാൻ വൈകാതെ ഇറക്കി വിട്ടു. അവർ രണ്ടുപേരിൽ ആരാണ് മദ്യപിച്ചതെന്ന് അറിയില്ല. ചിലപ്പോൾ ഒരാളാകും അല്ലെങ്കിൽ രണ്ടുപേരുമാകും. എന്തായാലും ഭയങ്കര സ്മെല്ലായിരുന്നു. അടിച്ച് പിപ്പിരി ആയിരുന്നു. ഇത്രത്തോളം മദ്യപിച്ച് ട്രാവൽ ചെയ്താൽ എന്താകും അവസ്ഥ എന്നൊക്കെ ഞാൻ അന്ന് സംസാരിക്കവെ സുഹൃത്തുമായി ഡിസ്കസ് ചെയ്തിരുന്നു.
