ഫൈസറിന് പിന്നാലെ വാക്സിന്റെ അടിയന്തര ഉപയോഗത്തിന് അനുമതി തേടി ഭാരത് ബയോടെക്. വാക്സീൻ വിതരണം ചെയ്യാൻ ബ്രിട്ടൻ ഒരുങ്ങുന്നതാണ് ലോകം ആകാംക്ഷയോടെ കാണുന്നത്. ഇന്ത്യയിലും അടിയന്തരമായി വാക്സീൻ വിതരണം ചെയ്യുന്നതിന് അനുമതി തേടി കോവാക്സിൻ നിർമാതാക്കളായ ഭാരത് ബയോടെക്ക് അപേക്ഷ സമർപ്പിച്ചു. ഇന്ത്യയിൽ തദ്ദേശീയമായി വികസിപ്പിച്ച ആദ്യത്തെ വാക്സീനാണ് കോവാക്സിൻ. ഫൈസറും സീറം ഇൻസ്റ്റിറ്റ്യൂട്ടും വാക്സീൻ വിതരണത്തിന് അനുമതി തേടിയതിനു പിന്നാലെയാണ് ഭാരത് ബയോടെക്കും കേന്ദ്ര ഡ്രഗ് റഗുലേറ്ററെ സമീപിച്ചത്.
