കോട്ടയം മെഡിക്കൽ കോളേജ് കെട്ടിടം തകർന്ന് വീണുണ്ടായ അപകടത്തിൽ മരിച്ച ബിന്ദുവിന്റെ കുടുംബത്തിനുള്ള സഹായം പ്രഖ്യാപിച്ചു. ബിന്ദുവിന്റെ കുടുംബത്തിന് 10 ലക്ഷം രൂപ ധനസഹായം നൽകും. മകന് സർക്കാർ ജോലി നൽകും. കുടുംബത്തിന് വീട് നിർമിച്ച് നൽകുമെന്നും ക്യാബിനറ്റ് യോഗം തീരുമാനിച്ചു. ഇന്ന് ചേർന്ന മന്ത്രി സഭാ യോഗത്തിലാണ് തീരുമാനം. കോട്ടയം മെഡിക്കല് കോളേജ് ഫണ്ടില്നിന്ന് 50000 രൂപ പ്രാഥമിക ധനസഹായം നല്കിയ സര്ക്കാര് മകന് താത്കാലിക ജോലി നല്കുമെന്നായിരുന്നു അറിയിച്ചിരുന്നത്. എന്നാല് സ്ഥിര ജോലി വേണമെന്ന കുടുംബത്തിന്റെ ആവശ്യം പരിഗണിച്ചാണ് ഇപ്പോള് മന്ത്രിസഭ ഇതു സംബന്ധിച്ച് തീരുമാനം എടുത്തിരിക്കുന്നത്. മകളുടെ ചികിത്സയും മന്ത്രിമാര് ഉറപ്പ് നല്കിയിരുന്നു.
കെട്ടിടം തകര്ന്നതിന് പിന്നാലെ രക്ഷാപ്രവര്ത്തനം വൈകിയതാണ് ബിന്ദുവിന്റെ മരണത്തിനിടയാക്കിയതെന്ന് ചൂണ്ടിക്കാട്ടി ആരോഗ്യമന്ത്രി വീണാ ജോര്ജിനെതിരെയും സര്ക്കാരിനെതിരെയും പ്രതിഷേധങ്ങളുയര്ന്നിരുന്നു. ആരോപണങ്ങള് സര്ക്കാര് തള്ളിയിരുന്നു. പിന്നീട് മന്ത്രിമാര് ബിന്ദുവിന്റെ വീട് സന്ദര്ശിക്കുകയും കുടുംബത്തിന് സഹായം വാഗ്ദാനം ചെയ്യുകയുമുണ്ടായി
