ലണ്ടൻ: ഈ വർഷത്തെ ബുക്കര്‍ പുരസ്കാരം ദക്ഷിണാഫ്രിക്കന്‍ സാഹിത്യകാരനും നാടകകൃത്തുമായ ഡാമന്‍ ഗാല്‍ഗട്ടിന്. ‘ദി പ്രോമിസ്’ എന്ന നോവലിനാണ് പുരസ്കാരം. ദക്ഷിണാഫ്രിക്കയില്‍ നിന്ന് ബുക്കര്‍ പുരസ്കാരം നേടുന്ന മൂന്നാമത്തെ വ്യക്തിയാണ് ഇദ്ദേഹം. മുൻപ് രണ്ട് തവണ ഗാൽഗട്ട് ബുക്കർ പുരസ്കാരത്തിനുള്ള ചുരുക്കപ്പട്ടികയിൽ ഇടംനേടിയിരുന്നു.50 ലക്ഷം രൂപ ആണ് സസമ്മാനത്തുക. 17 ആം വയസിലാണ് ഗാൽഗട്ട് തന്റെ ആദ്യ നോവൽ പ്രസിദ്ധീകരിച്ചത്.
പ്രിട്ടോറിയയിലെ ഒരു ബ്രിട്ടീഷ് കുടുംബത്തോടൊപ്പം കഴിയുന്ന ആഫ്രിക്കൻ വംശജയായ ജോലിക്കാരിയുടെ ജീവിതമാണ് നോവൽ പറയുന്നത്. വർണവിവേചന കാലഘട്ടത്തിന്‍റെ ഒടുക്കം മുതൽ ജേക്കബ് സുമയുടെ ഭരണകാലം വരെയാണ് നോവലിന്റെ കാല സഞ്ചാരം.
