സജീവ രാഷ്ട്രീയത്തില്‍ ഇറങ്ങും മുന്‍പുള്ള വിജയിയുടെ അവസാന ചിത്രം എന്ന പ്രഖ്യാപനം കൊണ്ട് തന്നെ ഏറെ പ്രതീക്ഷയോടെ ആരാധകർ കാണുന്ന ചിത്രമാണ് ജനനായകൻ. എച്ച് വിനോദ് സംവിധാനം ചെയ്യുന്നചിത്രത്തിന്റെ ടൈറ്റിൽ പോസ്റ്ററുകൾ ഇന്നലെ റിലീസായിരുന്നു. എം.ജി.ആറിന് സമാനമായി ചാട്ടവാറുമായി നിൽക്കുന്ന വിജയിയെ പോസ്റ്ററിൽ കാണാം.ആളുകൾ കട്ട വെയ്റ്റിംഗ് ചെയ്യുന്നതിനിടെ അണിയറ പ്രവർത്തകർ പുറത്തുവിട്ട പോസ്റ്ററുകൾ പക്ഷേ വേണ്ട പോലെ ഏറ്റിട്ടില്ലെന്നാണ് സോഷ്യൽ മീഡിയയിൽ നിറയുന്ന കമ്മന്റുകളിൽ നിന്നും ട്രോളുകളിൽ നിന്നും വ്യക്തമാകുന്നത്.
ഇന്നലെ രാവിലെയും വൈകിട്ടുമായി പുറത്തിറങ്ങിയ പോസ്റ്ററുകൾ ആരാധകരടക്കമുള്ളവർ ട്രോളുന്ന ദയനീയ സ്ഥിതിയാണ് ഉള്ളത്.
അനിരുദ്ധ് രവിചന്ദറാണ് ചിത്രത്തിന്റെ സംഗീത സംവിധാനം നിർവഹിക്കുന്നത്. ചിത്രത്തിലെ പ്രധാന റോളുകളിൽ ബോബി ഡിയോൾ, പൂജാ ഹെഡ്ഗെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി, മമിതാ ബൈജു തുടങ്ങി വമ്പൻ താരനിരയാണ് ചിത്രത്തിലുള്ളത്. വെങ്കട്ട് കെ നാരായണ ആണ് കെ വി എൻ പ്രൊഡക്ഷന്റെ പേരിൽ ജനനായകൻ നിർമിക്കുന്നത്. ജഗദീഷ് പളനിസ്വാമിയും ലോഹിത് എൻ കെയുമാണ് സഹനിർമാണം.
ഛായാഗ്രഹണം : സത്യൻ സൂര്യൻ, ആക്ഷൻ : അനിൽ അരശ്, ആർട്ട് : വി സെൽവ കുമാർ, എഡിറ്റിങ് : പ്രദീപ് ഇ രാഘവ്, കൊറിയോഗ്രാഫി : ശേഖർ, സുധൻ, ലിറിക്സ് : അറിവ്, കോസ്റ്റിയൂം : പല്ലവി സിംഗ്, പബ്ലിസിറ്റി ഡിസൈനർ : ഗോപി പ്രസന്ന, മേക്കപ്പ് : നാഗരാജ, പ്രൊഡക്ഷൻ കൺട്രോളർ.
