നെടുമ്പാശ്ശേരിയിൽ കൊക്കെയ്ൻ പിടികൂടി

കൊച്ചി: നെടുമ്പാശ്ശേരി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ കൊ​ക്കെ​യ്ൻ പി​ടി​കൂ​ടി​യ സം​ഭ​വ​ത്തി​ൽ നാ​ർ​കോ​ട്ടി​ക് ക​ൺ​ട്രോ​ൾ ബ്യൂ​റോ അ​ന്വേ​ഷ​ണം ഊർജിതമാക്കി. പി​ടി​യി​ലാ​യ​വ​രി​ൽ ഐ​വ​റി കോ​സ്​​റ്റ്​ സ്വ​ദേ​ശി​നി സീ​വി ഒ​ഡോ​ത്തി ജൂ​ലി​യ​റ്റ് ഒ​മ്പ​ത് മാ​സ​ത്തി​ലേ​റെ​യാ​യി ഇ​ന്ത്യ​യി​ൽ ത​ങ്ങു​ക​യാ​ണ്. ഐ​വ​റി കോ​സ്റ്റ്​ സ്വ​ദേ​ശി​ക​ളെ ഉ​പ​യോ​ഗി​ച്ച് കൊ​ക്കെ​യ്ൻ എ​ത്തി​ക്കു​ക​യാ​ണ് ഇ​വ​ർ ചെ​യ്യു​ന്ന​ത്. ക​ഴി​ഞ്ഞ​ദി​വ​സം കൊ​ക്കെ​യ്ൻ കൊ​ണ്ടു​വ​ന്ന കാ​നേ സിം​പേ ജൂ​ലി തു​ണി​ത്ത​ര​ങ്ങ​ൾ വാ​ങ്ങാ​നെ​ന്ന പേ​രി​ലാ​ണ് ഇ​ന്ത്യ​യി​ൽ എ​ത്തി​യ​ത്. കൊ​ക്കെ​യ്ൻ കൈ​മാ​റി​യാ​ൽ 20 ല​ക്ഷം രൂ​പ​യു​ടെ തു​ണി​ത്ത​ര​ങ്ങ​ൾ വാ​ങ്ങി​ന​ൽ​കാ​മെ​ന്ന് സീ​വി ഒ​ഡോ​ത്തി വാ​ഗ്ദാ​നം ചെ​യ്​​തി​രു​ന്നുവെന്നാണ് വിവരം. എ​ന്നാ​ൽ, ബി​സി​ന​സ്​ ഇ​വ​രു​ടെ ബിസിനസ് വിസാ അല്ലാതിരുന്നതിനാൽ എ​മി​ഗ്രേ​ഷ​ൻ വി​ഭാ​ഗം പു​റ​ത്തി​റ​ങ്ങാ​ൻ അ​നു​വ​ദി​ച്ചി​ല്ല. തു​ട​ർ​ന്ന് ബാ​ഗ് പ​രി​ശോ​ധി​ച്ച​പ്പോ​ഴാ​ണ് 580 ഗ്രാം ​കൊ​ക്കെ​യ്ൻ ക​ണ്ടെ​ടു​ത്ത​ത്.

നെ​ടു​മ്പാ​ശ്ശേ​രി അ​ക​പ്പ​റ​മ്പി​ലെ ഹോ​ട്ട​ലി​ൽ കൊ​ക്കെ​യ്ൻ കൈ​മാ​റാ​നാ ഹോ​ട്ട​ലി​ൽ സിം​പേ​ക്കാ​യി മു​റി​യും ബു​ക്ക് ചെ​യ്തി​രു​ന്നു. ഒ​ഡോ​ത്തി​യെ വി​ളി​ച്ചു​വ​രു​ത്തി​ച്ച്​ അ​റസ്റ്റ്​ ചെ​യ്യു​ക​യാ​യി​രു​ന്നു. ഒ​ഡോ​ത്തി കൊ​ച്ചി​യി​ലെ കൊ​ക്കെ​യ്ൻ ഇ​ട​പാ​ടി​ലെ പ്ര​ധാ​ന ക​ണ്ണി​യാ​ണെ​ന്ന് നാ​ർ​കോ​ട്ടി​ക്​ ക​ൺ​ട്രോ​ൾ ബ്യൂ​റോ സം​ശ​യി​ക്കു​ന്നു. സ​ഹാ​യി​ക​ളാ​യി മ​ല​യാ​ളി​ക​ളാ​യ ചി​ല​രു​മു​ണ്ടെ​ന്ന സംശയത്തിലാണ് ഉ​ദ്യോ​ഗ​സ്ഥ​ർ. കസ്റ്റഡി​യി​ൽ വാ​ങ്ങി കൂ​ടു​ത​ൽ ചോ​ദ്യം ചെ​യ്യു​ന്ന​തോ​ടെ കൊ​ച്ചി​യി​ലെ കൊ​ക്കെ​യ്ൻ റാ​ക്ക​റ്റി​ലെ കൂ​ടു​ത​ൽ പേ​ർ വ​ല​യി​ലാ​കും.