![](https://i0.wp.com/moviegaang.in/wp-content/uploads/2022/07/neet-1.jpg?resize=508%2C356&ssl=1)
നീറ്റ് പരീക്ഷ എഴുതാനെത്തിയ പെണ്കുട്ടികളുടെ അടിവസ്ത്രം അഴിപ്പിച്ചതായി പരാതി. കൊല്ലം ആയൂരിലെ കോളേജിൽ പരീക്ഷ എഴുതാനെത്തിയ പെണ്കുട്ടികളുടെ അടിവസ്ത്രമാണ് ഉദ്യോഗസ്ഥര് അഴിച്ചു പരിശോധിച്ചത്. സംഭവത്തെ തുടര്ന്ന് കടുത്ത മാനസിക സമ്മര്ദം അനുഭവിച്ചിരുന്നതായി വിദ്യാര്ഥിനികള് പറഞ്ഞു. പരീക്ഷയ്ക്ക് ശേഷം കൂട്ടിയിട്ട നിലയാണ് അടിവസ്ത്രങ്ങള് ലഭിച്ചതെന്നും പരാതിയില് പറയുന്നു. മെറ്റൽ വസ്തു കണ്ടെത്തിയതിനെ തുടർന്നാണ് അടിവസ്ത്രം അഴിപ്പിച്ചതെന്നാണ് വിശദീകരണം. സംഭവത്തിൽ അപമാനിതയായ ഒരു പെണ്കുട്ടി കൊട്ടാരക്കര ഡിവൈഎസ്പിക്ക് പരാതി നൽകിയതോടെയാണ് ഇക്കാര്യം പുറത്തറിഞ്ഞത്. എന്നാൽ സംഭവത്തിൽ തങ്ങൾക്ക് പങ്കില്ലെന്ന് പരീക്ഷ നടന്ന ആയൂരിലെ കോളേജ് അറിയിച്ചു. നീറ്റ് സംഘം നിയോഗിച്ച ഏജൻസിയാണ് വിദ്യാര്ത്ഥികളെ പരിശോധിച്ചതെന്നും അവര് വിശദീകരിച്ചു.