തൃശ്ശൂർ മെഡിക്കൽ കോളേജിലെ വിദ്യാർത്ഥികളായ നവീന്റെയും ജാനകിയുടെയും നൃത്തച്ചുവടുകൾ കാണാത്തവരായി ആരുമുണ്ടാവില്ല. റാ റാ റാസ്പുടിൻ ലവർ ഓഫ് ദി റഷ്യൻ ക്വീൻ, ബോണി എം ബാൻഡിന്റെ പ്രസിദ്ധമായ പാട്ടിനൊത്തായിരുന്നു ഇരുവരും ചുവടുവെച്ചത്. നവീനാണ് വീഡിയോ തന്റെ ഇൻസ്റ്റാഗ്രാമിൽ ഈ വീഡിയോ ആദ്യമായി പങ്കുവെക്കുന്നത്. പിന്നീട് ഇരുവരും പ്രതീക്ഷിക്കാത്ത വിധത്തിൽ നൃത്തചുവടുകൾ വൈറലായി. ദേശീയ മാധ്യമങ്ങൾ മുതൽ അന്താരാഷ്ട്ര മാധ്യമങ്ങൾ വരെ ഇതുമായി ബന്ധപ്പെട്ട് വാർത്തകളെഴുതി.
സംഭവം വൈറലായതോടെ ചിലർ വിദ്വേഷ പ്രചാരണവുമായെത്തിയിരുന്നു. ഇപ്പോളിതാ മതത്തിന്റെ നിറം നൽകി ചർച്ചയാക്കിയ വലത് തീവ്ര ചിന്താഗതിക്കാർക്ക് മറുപടിയെന്നോണം പുതിയ ഡാൻസ് വീഡിയോയുമായി തൃശൂർ മെഡിക്കൽ കോളേജ് വിദ്യാർത്ഥികൾ രംഗത്തെത്തി. സഹപാഠികളാണ് ഐക്യ ദാർഡ്യവുമായെത്തിയത്.
വെറുക്കാൻ ആണ് ഉദ്ദേശമെങ്കിൽ ചെറുക്കാൻ ആണ് തീരുമാനം എന്ന തലക്കെട്ടോടുകൂടി തൃശൂർ മെഡിക്കൽ കോളേജ് യൂണിയൻ ഫെയ്‌സ്ബുക്ക് പേജിലാണ് പുതിയ വീഡിയോ അപ്ലോഡ് നടത്തിയത്. #resisthate എന്ന ഹാഷ്ടാഗ് നൽകിയിരിക്കുന്ന പോസ്റ്റിൽ വീഡിയോയിൽ നൃത്തം ചെയ്ത എല്ലാവരുടേയും മുഴുവൻ പേരും നൽകിയിട്ടുണ്ട്. ഇവരുടെ പേരുകളിലെ തലയും വാലും തപ്പി പോയാൽ കുറച്ചുകൂടി വക കിട്ടും, ഫേസ്ബുക്ക് പോസ്റ്റുകൾ ഇടാൻ എന്നുകൂടി പോസ്റ്റിൽ ചേർത്തിരിക്കുന്നു. എന്താണെങ്കിലും വീഡിയോ ഇതിനോടകം തന്നെ വൈറലായി മാറി’ https://www.facebook.com/plugins/video.php?href=https%3A%2F%2Fwww.facebook.com%2FCollegeUnionThrissur%2Fvideos%2F489817285709051%2F&show_text=0&width=282
