ബിഗ് ബോസ് രണ്ടാം സീസണിലൂടെ മലയാളികൾക്ക് പ്രിയങ്കരിയാവുകയായിരുന്നു ദയ അശ്വതി. സോഷ്യൽ മീഡിയയിൽ ദയ പങ്കുവെയ്ക്കുന്ന വിശേഷങ്ങളെല്ലാം നിമിഷം നേരം കൊണ്ടാണ് ആരാധകർ ഏറ്റെടുക്കാറുള്ളത്. ബിഗ് ബോസ് താരത്തിന്റെതായി വന്ന പുതിയ ഫേസ്ബുക്ക് പോസ്റ്റ് സോഷ്യൽ മീഡിയയിൽ വൈറലായിരിക്കുന്നത്
കുറിപ്പിന്റെ പൂർണ്ണ രൂപം
എന്റെ ജീവിതത്തിൽ ഞാൻ തോറ്റു…എന്റെ ഭർത്താവ് എന്നെ തോൽപ്പിച്ചു.ഞാൻ തോറ്റ് കൊടുത്തത് എന്റെ മക്കളുടെ വിജയത്തിന് വേണ്ടി എന്റെ ഭർത്താവിന്റെ വിജയത്തിന് വേണ്ടി മാത്രം. അത്രമേൽ ഞാൻ സ്‌നേഹിച്ചു. വിട്ടുകൊടുക്കാനെ ഞാൻ പഠിച്ചൊള്ളു. ഒന്നും പിടിച്ചു വാങ്ങാൻ എനിക്കറിയില്ല. ഒരു ടിവി ഷോയിൽ പോയി അവിടേയും ഞാൻ എല്ലാവരേയും സ്‌നേഹിച്ചു പോയി.
അവിടേയും ഞാൻ തോറ്റു…ജനങ്ങളുമുന്നിൽ വിവരം പോലും ഇല്ലാത്ത ഒരു കോമാളിയായി എല്ലാരും എന്നെ കണ്ടു തോറ്റു…. ഞാൻ ശരിക്കും തോറ്റു… പലതവണ പല രീതിയിൽ പലരിൽ നിന്നും പറ്റിക്കപ്പെട്ടും എനിക്ക് മനസിലാവുന്നില്ലല്ലോ ഈശ്വരാ…ആർക്കും ശല്യമാവാതെ എങ്ങോട്ടെങ്കിലും പോവണം….ഒറ്റക്ക് ഒരു യാത്ര…. ആരും പറ്റിക്കപെടാത്ത ഒരു സ്ഥലത്തേക്ക്…ദയ അശ്വതി ഫേസ്ബുക്കിൽ കുറിച്ചു. ദയ അശ്വതിയുടെ കുറിപ്പിന് പിന്നാലെ നിരവധി പേരാണ് ബിഗ് ബോസ് താരത്തിന് പിന്തുണ അറിയിച്ച് എത്തിയിരിക്കുന്നത്. ഒരിക്കൽ എല്ലാവരുടെയും മുന്നിൽ ജയിക്കും എന്ന പ്രതീക്ഷയോടെ മുന്നോട്ട് പോവുക എന്നാണ് ദയയുടെ കുറിപ്പിന് താഴെ ഒരാൾ കുറിച്ചിരിക്കുന്നത്.
