ശേഖർ കമ്മുല ചിത്രത്തിൽ ധനുഷിന് റെക്കോർഡ് പ്രതിഫലം?
സൂപ്പ‍ർ താരം ധനുഷും ശേഖർ കമ്മുലയും ഒന്നിക്കുന്നു എന്ന വ‍ാർത്ത തന്നെ സിനിമാ ലോകത്ത്
വലിയ ചർച്ചയായിരുന്നു. തമിഴ്, തെലുങ്ക് , ഹിന്ദി ഭാഷകളിൽ നിർമിക്കുന്ന ചിത്രത്തിന് ധനുഷ്
വാങ്ങുന്ന പ്രതിഫലമാണ് ഇപ്പോൾ ആരധകരെ ഞെട്ടിച്ചിരിക്കുന്നത്. 50 കോടി രൂപയാണ് താരം പ്രതിഫലമായി
വാങ്ങുന്നതെന്നാണ് റിപ്പോർട്ടുകൾ. എങ്കിൽ ധനുഷിന്‍റെ കരിയറിലെ തന്നെ റെക്കോർഡ്
പ്രതിഫലത്തുകയാകും ഇത്.
ആക്ഷൻ സ്വഭാവത്തിലുള്ള ചിത്രമാകും ഒരുങ്ങുകയെന്നും സൂചനകൾ ഉണ്ട്. ശ്രീ വെങ്കിടേശ്വര സിനിമാസിന് വേണ്ടി
നാരായണദാസ് .കെ .നരംഗ്, പുസ്കർ റാം മോഹൻ റാവു എന്നിവർ ചേർന്നാണ് നിർമാണം. ചിത്രത്തിന്‍റെ പേരും മറ്റ്
അണിയറപ്രവർത്തകർ ആരെന്നതും പുറത്തുവിട്ടിട്ടില്ല. ഈ വർഷം അവസാനം
ഷൂട്ടിങ് തുടങ്ങും.
റൂസോ ബ്രദേഴ്സ് സംവിധാനം ചെയ്യുന്ന ദ ഗ്രേ മാൻ എന്ന ചിത്രത്തിന്‍റെ ഷൂട്ടിങ്ങിനായി അമേരിക്കയിലാണ് ധനുഷ്
ഇപ്പോഴുള്ളത്. അടുത്തയാഴ്ച താരം ചെന്നൈയിൽ എത്തിയ ശേഷമാവും ഔദ്യോഗിക പ്രഖ്യാപനം. ബോളിവുഡ്
ചിത്രം അത്‍രംഗി രേ തിയറ്റർ തുറന്നാലുടൻ റിലീസ് ചെയ്യും. സെൽവരാഘവൻ സംവിധാനം ചെയ്ത ആയിരത്തിൽ
ഒരുവൻ 2, നാനേ വരുവേൻ, കാർത്തിക് നരേന്‍റെ പേരിടാത്ത ചിത്രം എന്നിവയാണ് മറ്റ് പ്രോജക്ടുകൾ.
കാർത്തിക് സുബ്ബരാജ് സംവിധാനം ചെയ്ത ധനുഷ് ചിത്രം ജഗമേ തന്തിരം കഴിഞ്ഞ ദിവസമാണ് നെറ്റ്ഫ്ലിക്സിൽ
റിലീസ് ചെയ്തത്. സുരുളി എന്ന ഗുണ്ടാത്തലവനായി ധനുഷ് എത്തിയപ്പോൾ സമ്മിശ്ര പ്രതികരണമാണ് ചിത്രത്തിന്
ലഭിച്ചത്. ഹോളിവുഡ് താരം ജയിംസ് കോസ്മോ, ജോജു ജോർജ്, ഐശ്വര്യ ലക്ഷ്മി തുടങ്ങിയവർ ചിത്രത്തിൽ അഭിനയിച്ചിരുന്നു.
