ബിഗ് ബോസ് പരിപാടിയുടെ മൂന്നാം സീസണില്‍ മത്സരാര്‍ത്ഥിയായി എത്തിയതോടെയാണ് മനഃശാസ്ത്രജ്ഞയും ഫാഷന്‍ സ്റ്റൈലിസ്റ്റുമായ ഡിംബല്‍ ഭാല്‍ മലയാളികള്‍ക്ക് സുപരിചിതയായി മാറുന്നത്. മത്സരത്തിന്റെ ഭാഗമായി മാറിയതോടെ ഡിംബലിന്റെ ആരാധകരുടെ എണ്ണത്തിലും വന്‍ തോതിലുള്ള വര്‍ദ്ധനവുണ്ടായി.
ഇന്‍സ്റ്റാഗ്രാമിലെ ഓരോ ചിത്രത്തിനും വിഡിയോയ്ക്കും പതിനായിരക്കണക്കിന് ലൈക്കുകളും കമന്റുകളുമാണ് ഡിംബല്‍ ഭാല്‍ വാരിക്കൂട്ടുന്നത്. ഡിംബലിന്റെ നീണ്ട മുടിയെയും ശരീരഭംഗിയേയും ആറ്റിട്യൂഡിനെയും പുകഴ്ത്തുന്ന കമന്റുകളാണ് കൂടുതലും. ‘അവരുടെ ആറ്റിട്യൂഡ് ആണത്… ഞാന്‍ അതിനെ ബഹുമാനിക്കുന്നു’-എന്നാണ് ഇക്കൂട്ടത്തില്‍ ഒരാള്‍ കമന്റ് ചെയ്തിരിക്കുന്നത്.
ഡിംബല്‍ എല്ലാ സ്ത്രീകള്‍ക്കും ഒരു പ്രചോദനമാണ്ണ് എന്ന് വേറൊരാളും കമന്റിട്ടിരിക്കുന്നു. ഡിംബല്‍ മത്സരത്തില്‍ ബിഗ് ബോസില്‍ പങ്കെടുത്തുകൊണ്ടിരിക്കുന്നതിനാല്‍ സഹോദരി തിങ്കള്‍ ഭാല്‍ ആണ് ഡിംബലിന്റെ വീഡിയോയും ഫോട്ടോകളും ഇന്‍സ്റ്റാഗ്രാമില്‍ അപ്‌ലോഡ് ചെയ്യുന്നത്.
