ബിഗ് ബോസ് ഹൗസിൽ വീണ്ടുമൊരു ദുംഖ വാർത്ത, ബിഗ് ബോസ് മലയാളം മൂന്നാം സീസണില ശക്തമായ താരങ്ങളിലൊരാളാണ് ഡിംപൽ ഭാൽ. വളരെ നല്ല രീതിയിലാണ് ഡിംപൽ ഗെയിം കളിച്ചിരുന്നത്. ആത്മവിശ്വാസവും ചുറുചുറുക്കും വാക്കുകളിലും പ്രവർത്തികളിലും നിറയ്ക്കുന്ന ഡിംപൽ സൈക്കോളജിസ്റ്റും മോഡലും ഫാഷൻ സ്റ്റൈലിസ്റ്റുമാണ്.
ഇപ്പോളിതാ ഡിംപലിന്റെ പിതാവ് അന്തരിച്ചെന്ന വാർത്തയാണ് പുറത്തുവരുന്നത്. ഗായികയും ഈ സീസണിലെ ബിഗ് ബോസ് താരവുമായിരുന്ന ലക്ഷ്മി ജയനാണ് വാർത്ത പുറത്ത് വിട്ടത്.
വിവരമറിഞ്ഞതിന്റെ ഞെട്ടലിലാണ് സഹതാരങ്ങൾ. ഡല്‍ഹിയിലെ സ്വകാര്യ ആശുപത്രിയില്‍ വച്ചാണ് ഡിംപലിന്റെ പിതാവ് മരിച്ചതെന്നും ബിഗ് ബോസ് ഹൗസില്‍ നിന്ന് ഇറങ്ങിയ ഡിംപല്‍ ഡല്‍ഹിയിലേക്ക് പോകുകയാണെന്നും റിപ്പോര്‍ട്ടുകളുണ്ട്. ഇതോടെ ഡിംപലും മത്സരത്തിൽ നിന്ന് പുറത്ത് പോവാനുള്ള എല്ലാ സാധ്യതകളും തെളിഞ്ഞു. പിതാവിനെ കുറിച്ച്‌ പലതവണ തുറന്ന് സംസാരിക്കാറുള്ള ഡിംപലിന് ഇതൊരു കനത്ത ആഘാതമായിരിക്കും.
കോവിഡ് ബാധിച്ചാണോ മരണമെന്ന കാര്യത്തിലും ആശങ്കയുള്ളതിനാൽ ടെസ്റ്റ് റിസൽറ്റ് ലഭിക്കാനായി കാത്തിരിക്കുകയാണ് കുടുംബമെന്ന് ഡിംപലിന്റെ സുഹൃത്തും ബിഗ് ബോസ് മത്സരാർത്ഥിയുമായ മജിസിയ ഭാനു പറഞ്ഞു.ബിഗ് ബോസ് വീട്ടിലുള്ള ഡിംപലിനെ വിവരം അറിയിക്കുന്ന കാര്യത്തിൽ കുടുംബാംഗങ്ങളുടെ തീരുമാനത്തിനായി കാത്തിരിക്കുകയാണെന്ന് ചാനലിനോട് അടുത്ത വൃത്തങ്ങൾ പറഞ്ഞു.
