തീയറ്ററുകൾ തുറക്കാത്തതിനാൽ ഇത്തവണ ദീപാവലിക്ക് ചിത്രങ്ങളെത്തുക ഒടിടി വഴി. കൊവിഡ് സാഹചര്യത്തിൽ പ്രേക്ഷകർക്ക് ദീപാവലിക്കാഴ്ചയൊരുക്കാൻ ഒ.ടി.ടികൾ തയ്യാറെടുത്തുകഴിഞ്ഞു.അഭിഷേക് ബച്ചൻ അടക്കമുള്ളവരുടെ ചിത്രങ്ങൾ ഇതിലുണ്ട്.
കീർത്തി സുരേഷ് പ്രധാനവേഷത്തിലെത്തുന്ന തെലുങ്ക് ചിത്രം മിസ് ഇന്ത്യ നവംബർ നാലിന് നെറ്റ്ഫ്‌ളിക്‌സിലൂടെയെത്തും. സൂര്യ നായകനാകുന്ന തമിഴ് ചിത്രം സുരരൈ പോട്ര്‌ നവംബർ 12 ന് ആമസോൺ പ്രൈം വഴി പ്രേക്ഷകരിലെത്തും. ഹിന്ദി ബ്ലാക്ക് ഹ്യൂമർ ചിത്രം ഛലാങ് നവംബർ 13 ന് ആമസോൺ പ്രൈമിലൂടെ കാണികളിലേക്കെത്തും. തെലുങ്ക് ചിത്രം മാ വിന്ത ഗധ വിനുമ നവംബർ 13 ന് അഹ വീഡിയോയിലൂടെ റിലീസ് ചെയ്യപ്പെടും. നയൻതാര മുഖ്യ കഥാപാത്രമാകുന്ന തമിഴ് ചിത്രം മൂക്കുത്തി അമ്മൻ നവംബർ 14 ന് ഡിസ്‌നി ഹോട്ട്‌സ്റ്റാറിലൂടെയുമാണ് കാണികളിലേക്കെത്തുന്നത്.
അക്ഷയ് കുമാർ നായകനാകുന്ന ഹിന്ദി ഹൊറർ കോമഡി ചിത്രം ലക്ഷ്മി ബോംബ് ഡിസ്‌നി ഹോട്ട്‌സ്റ്റാറിലൂടെ നവംബർ 9 ന് റിലീസ് ചെയ്യും.ഡാർക് കോമഡി വിഭാഗത്തിലുള്ള ബോളിവുഡ് ആന്തോളജി, ലൂഡോ നവംബർ 12 ന് നെറ്റ്ഫ്‌ളിക്‌സിലൂടെ സ്ട്രീം ചെയ്യും.
