വെള്ളിയാഴ്ച പുലർച്ചെ മ്യാൻമർ-ഇന്ത്യ അതിർത്തി മേഖലയിൽ 6.1 തീവ്രത രേഖപ്പെടുത്തിയ ശക്തമായ ഭൂചലനം അനുഭവപ്പെട്ടതായി ഇന്ത്യയുടെ നാഷണൽ സെന്റർ ഫോർ സീസ്മോളജി അറിയിച്ചു. ബംഗ്ലാദേശിലെ ചിറ്റഗോങ്ങിലും കിഴക്കൻ ഇന്ത്യയിലെ കൊൽക്കത്ത വരെയും ഭൂചലനം അനുഭവപ്പെട്ടതായി യൂറോപ്യൻ-മെഡിറ്ററേനിയൻ സീസ്മോളജിക്കൽ സെന്ററിന്റെ (EMSC) വെബ്‌സൈറ്റിലും ട്വിറ്ററിലെ ഉപയോക്താക്കളും പറയുന്നു. നേരത്തെ 6.0 തീവ്രത രേഖപ്പെടുത്തിയ ശേഷം ഭൂചലനത്തിന്റെ തീവ്രത 5.8 ആയി കണക്കാക്കിയ EMSC, വടക്കുകിഴക്കൻ ഇന്ത്യയിലെ ഐസ്വാളിൽ നിന്ന് 126 കിലോമീറ്റർ തെക്കുകിഴക്കായാണ് പ്രഭവകേന്ദ്രമെന്ന് അനുമാനിക്കുന്നു. പുലർച്ചെ 5.15 ഓടെയാണ് പ്രകമ്പനമുണ്ടായത്. മിസോറാമിലെ തെൻസാവാളിൽ അതിശക്തമായ ഭൂചലനം അനുഭവപ്പെട്ടു.
