തെന്നിന്ത്യയിൽ വളരെയധികം ആരാധക പിന്തുണയുള്ള സിനിമാ ജോഡിയാണ് നയൻതാര – വിഘ്നേഷ് ശിവൻ ദമ്പതികൾ. ലേഡീ സൂപ്പർസ്റ്റാറിന്റെ മുൻകാല പ്രണയബന്ധങ്ങളും പ്രഭുദേവ അടക്കമുള്ളവരുമായുള്ള പ്രണയംതകർച്ചയും നടിക്ക് സിനിമയ്ക്ക് അകത്തും പുറത്തും വലിയ തിരിച്ചടികൾ നേടി കൊടുത്തിരുന്നു. മുൻപ് പ്രഭുദേവയുമായി പ്രണയത്തിൽ ആയിരുന്ന സമയത്ത് കുടുംബജീവിതത്തിന് പ്രാധാന്യം നൽകുന്നു എന്ന തരത്തിൽ നടി സിനിമ ഉപേക്ഷിക്കുമെന്ന നിലയിൽ വരെ എത്തിയിരുന്നു. എന്നാൽ പ്രഭുദേവയുമായുള്ള വേർപിരിയലിന് ശേഷം നടിക്ക് ജീവിതത്തിൽ തന്നെ ഒരു സെക്കൻഡ് ഇന്നിങ്സ് ആയിരുന്നു.
പ്രഭുദേവക്ക് ശേഷം സംവിധായകൻ വിഗ്നേഷ് ശിവനുമായുള്ള ബന്ധവും, വിവാഹവും, രണ്ട് കുട്ടികൾ ഉൾപ്പെടുന്ന കുടുംബജീവിതവുമെല്ലാം നയൻതാരയുടെ വ്യക്തിജീവിതത്തിലും സിനിമയിലും വലിയ മാറ്റങ്ങളാണ് സൃഷ്ടിച്ചത്. സ്വപ്നതുല്യമായ ജീവിതമാണ് നടി ജീവിക്കുന്നതെന്ന് കാണുന്നവർക്ക് പോലും തോന്നുന്ന രീതിയിൽ ആയിരുന്നു നടിയുടെ വളർച്ച. തിരിച്ചുവരവിൽ അഭിനയത്തിൽ സെലക്ടീവായ നടി നിർമ്മാണത്തിലും മറ്റു ബിസിനസുകളിലും എല്ലാം സജീവമാകുന്ന കാഴ്ചയായിരുന്നു പിന്നീട് കണ്ടത്. കാര്യങ്ങൾ ഇങ്ങനെയൊക്കെ ആയിരിക്കുമ്പോഴും കുടുംബത്തിനൊപ്പം സമയം ചെലവഴിക്കാനും നടി വിട്ടുവീഴ്ച ചെയ്തിരുന്നില്ല.
വിഘ്നേഷും നയൻതാരയും പരസ്പരം പരിചയപ്പെടുന്നത് വിഘ്നേഷിന്റെ ആദ്യചിത്രമായ നാനും റൗഡി താനിന്റെ സെറ്റിൽ ആയിരുന്നു. ഇതുമായി ബന്ധപ്പെട്ട് ഇതേ ചിത്രത്തിൽ അഭിനയിച്ച രാഹുൽ താത്ത എന്ന മുതിർന്ന നടൻ പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ ചർച്ച ആകുന്നത്. പ്രഭുദേവമായുള്ള വേർപിരിയലിന് ശേഷം ആയിരുന്നു ചിത്രത്തിന്റെ ഷൂട്ട്. ചിത്രം പുരോഗമിക്കവേ വിഘ്‌നേഷിന് പ്രഭുദേവയുടെ ചായയുണ്ടെന്ന് താൻ പറയുകയായിരുന്നു. ഇതിനുശേഷമാണ് നടി വിഗ്നേശിവനെ ശ്രദ്ധിച്ചു തുടങ്ങിയതെന്നും തന്റെ വാക്കുകളെ തുടർന്നാണ് വിഘ്നേഷുമായി പ്രണയത്തിലാകുന്നതെന്നും രാഹുൽ താത്ത പറയുന്നു. അതേസമയം ഇത്തരം വാർത്തകളോട് വിഘ്നേഷോ നയൻതാരയോ ഇതുവരെ പ്രതികരിച്ചിട്ടില്ല.
