ധനുഷിന്റെ ജഗമേ തന്തിരം ഏറ്റെടുത്ത് ആരാധകർ; മണിക്കൂറുകൾക്കകം വ്യാജപതിപ്പ്
സൂപ്പർ താരം ധനുഷിന്റെ പുതിയ ചിത്രം ജഗമേ തന്തിരം സൂപ്പർ ഹിറ്റ്. കാർത്തിക് സുബ്ബരാജ് സംവിധാനം ചെയ്ത
ചിത്രം നെറ്റ്ഫ്ലിക്സിൽ ആണ് റിലീസ് ചെയ്തത്. ചിത്രം പുറത്തിറങ്ങി മണിക്കൂറുകൾക്കം വ്യാജപതിപ്പ് ടെലഗ്രാമിൽ
എത്തി.
കഴിഞ്ഞ മെയിൽ റിലീസ് ചെയ്യാൻ തീരുമാനിച്ചിരുന്നെങ്കിലും , കൊവിഡ് പ്രതിസന്ധി മൂലം തിയറ്റർ റിലീസ് ഒഴിവാക്കി
ഓടിടി റിലീസ് തെരഞ്ഞെടുക്കുകയായിരുന്നു. 190 രാജ്യങ്ങളിലായി 17 ഭാഷകളിലായി ബ്രഹ്മാണ്ഡ റിലീസ് ആണ്
നടത്തിയത്. വ്യാജപതിപ്പുകൾ ഒഴിവാക്കണമെന്ന് അണിയറ പ്രവർത്തകർ അഭ്യർത്ഥിച്ചു.
ഹോളിവുഡ് നടൻ ജയിംസ് കോസ്മോ ചിത്രത്തിൽ പ്രധാന വേഷത്തിൽ എത്തുന്നു. മലയാള നടൻ ജോജു ജോർജ് ആണ്
വില്ലൻ ആയി എത്തുന്നത്. ഐശ്വര്യ ലക്ഷ്മി ആണ് നായിക. വൈനോട്ട് സ്റ്റുഡിയോസും റിലയൻസ് എന്റർടെയിൻമെന്റും
ചേർന്നാണ് ചിത്രം റിലീസ് ചെയ്യുന്നത്. എസ് ശശികാന്ത് ആണ് നിർമാണം.
മധുരയിലെ ഗ്യാങ് ലീഡർ സുരുളി ആയാണ് ധനുഷ് ചിത്രത്തിൽ എത്തുന്നത്. ബിസിനസ് പൂർത്തിയാക്കാനായി
ലണ്ടനിലേക്ക് പോകുന്നതും തുടർന്നുണ്ടാകുന്ന സംഭവവികാസങ്ങളുമാണ് പ്രമേയം. സൂപ്പർ സ്റ്റാർ രജനീകാന്തിന്റെ
മാനറിസങ്ങൾ കഥാപാത്രത്തിന് ഉണ്ടെന്ന് ധനുഷ് തന്നെ സമ്മതിച്ചിരുന്നു. രജനീകാന്തിനെ നായകനായി സംവിധാനം
ചെയ്ത പേട്ടക്ക് ശേഷം കാർത്തിക് സംവിധാനം ചെയ്യുന്ന ചിത്രമാണ് ജഗമേ തന്തിരം.