മകളോടൊപ്പം ഇത്തവണ (MBBS) എംബിബിഎസ് പഠനത്തിന് തയ്യാറെടുക്കുകയാണ് അമ്പത്തിനാലുകാരനായ ബിപിസിഎല്‍ കൊച്ചി റിഫൈനറി ഉദ്യോഗസ്ഥനായ ലഫ് കേണൽ ആർ മുരുഗയ്യൻ. മകൾ ശീതളിനൊപ്പമാണ് ഇദ്ദേഹം നീറ്റ് പരീക്ഷക്ക് തയ്യാറെടുത്തത്. കൾക്കൊപ്പം നീറ്റ് പരീക്ഷക്ക് പഠിക്കാൻ തയ്യാറെടുത്ത മുരുഗയ്യന് പൂർ‌ണ്ണ പിന്തുണയു‌മായി ഭാര്യ മാലതിയുമുണ്ടായിരുന്നു. പ്രായപരിധിയില്ലാതെ ആർക്ക് വേണമെങ്കിലും നീറ്റ് പരീക്ഷയെഴുതാം എന്ന സുപ്രീം കോടതിയുടെ വിധിയാണ് മുരുഗയ്യന് തന്റെ ആഗ്രഹം പൂർത്തിയാക്കാനുള്ള അവസരം നൽകിയത്.ഇന്നലെ വന്ന അലോട്ട്മെന്റിൽ മുരുഗയ്യന് ചെന്നൈ ശ്രീലളിതാംബിക മെഡിക്കൽ കോളേജിലും മകൾ ശീതളിന് പോണ്ടിച്ചേരി വിനായക മിഷൻ മെഡിക്കൽ കോളേജിലുമാണ് പ്രവേശനം ലഭിച്ചത്. ഡോക്ടറാകാനായിരുന്നു ആഗ്രഹമെങ്കിലും കുടുംബാംഗങ്ങളുടെ നിർബന്ധത്തിന് വഴങ്ങിയാണ് എഞ്ചീനീയറിംഗ് തെരഞ്ഞെടുത്തത്. ഇതിനിടയിൽ നിയമം, ബിസിനസ് അഡ്മിനിസ്ട്രേഷൻ ബിരുദങ്ങളും കരസ്ഥമാക്കി.
