പ്രശസ്ത സിനിമ സീരിയൽ നാടക നടനും സംവിധായകനുമായ വി.പി. രാമചന്ദ്രൻ (81) അന്തരിച്ചു. കിളിപ്പാട്ട് , അപ്പു , അയ്യർ ദി ഗ്രേറ്റ് , പോലീസ് ഓഫീസർ , കഥാനായിക ,ഷെവലിയാർ, സദയം, യുവതുർക്കി, ദി റിപ്പോർട്ടർ തുടങ്ങി 19ഓളം സിനിമകളിൽ ശ്രദ്ധേയമായ വേഷങ്ങൾ അവതരിപ്പിച്ചിട്ടുണ്ട്. നിരവധി സിനിമകളിൽ ശബ്ദം നൽകിയും സജീവ സാന്നിധ്യമായിരുന്നു.
അടുത്ത കാലം വരെ സീരിയലുകളിലും നാടകത്തിലും സജീവമായിരുന്ന വി.പി. രാമചന്ദ്രൻ റിട്ടയേർഡ് എയർ ഫോഴ്സ് ഉദ്യോഗസ്ഥനും അമേരിക്കൻ കോൺസുലേറ്റ്ജീവനക്കാരനുമായിരുന്നു. ലോക പ്രശ്സത നർത്തകൻ പത്മഭൂഷൺ വി.പി ധനഞ്ജ്യൻ സഹോദരനാണ്. ഭാര്യ വൽസരാമചന്ദ്രൻ. മക്കൾ : ദീപ, ദിവ്യരാമചന്ദ്രൻ( നർത്തകി ) എന്നിവരാണ്. സംസ്കാരം നാളെ ( സെപ്റ്റംബർ 5 വ്യാഴം ) രാവിലെ 9 മണിയ്ക്ക് പയ്യന്നൂർ മഹാദേവ ഗ്രാമം വെസ്റ്റിൽ നടക്കും.
