ഇന്ധനവില ഇന്നും കൂട്ടി; നാൽപത് ദിവസത്തിനിടെ വില കൂട്ടിയത് 24 തവണ
തിരുവനന്തപുരം: രാജ്യത്ത് ഇന്ധനവില ഇന്നും കൂട്ടി. പെട്രോൾ ലിറ്ററിന് 35 പൈസയും ഡീസലിന് 27 പൈസയുമാണ് കൂട്ടിയത്. ഇതോടെ തിരുവനന്തപുരത്ത് പെട്രോൾ വില 102 രൂപ 89 പൈസയായി. കൊച്ചിയിൽ 101 രൂപ 01 പൈസയാണ് ഇന്നത്തെ വില. ഈ മാസം ഇന്ധന വില വർധിക്കുന്നത് ഇത് ആറാം തവണയാണ്.
ഡീസൽ വില തിരുവനന്തപുരത്ത് ലിറ്ററിന് 96 രൂപ 47 പൈസും കൊച്ചിയിൽ 94 രൂപ 71 പൈസയുമായി വർദ്ധിച്ചു. ഈ മാസം ആറാം തവണയാണ് ഇന്ധനവില കൂട്ടുന്നത്. കഴിഞ്ഞമാസം 18 തവണ വില കൂട്ടിയിരുന്നു. നാൽപത് ദിവസത്തിനിടെ 24 തവണയാണ് ഇന്ധനവില കൂട്ടിയത്.
മുംബൈ, ദില്ലി, കൊൽക്കത്ത, ചെന്നൈ, ബെംഗളുരു എന്നീ മെട്രോ നഗരങ്ങളിലും 100 രൂപയ്ക്ക് മുകളിലാണ് പെട്രോൾ വില.
