പെരിന്തൽമണ്ണ: സംസ്ഥാന സർക്കാരിനു കീഴിലുളള സിവിൽ സപ്ളൈസ് കോർപ്പറേഷൻ ഔട്ട്ലെറ്റുകളിൽ ഇനി മുതൽ 5 കിഗ്രാം തുക്കമുളള പാചക വാതക സിലിണ്ടറുകളും ലഭിക്കും. ഇന്ത്യൻ ഓയിൽ കോർപ്പറേഷനും സിവിൽ സപ്ളൈസ് കോർപറേഷനും തമ്മിലുളള ധാരണ പ്രകാരമാണ് ഈ പുതിയ നീക്കം.
പാചക വാതക സിലിണ്ടർ ആദ്യമായി കൈപറ്റുന്നവർ 1520 രൂപയും റീ ഫിലിംങ്ങ് ചെയ്യുന്നവർ 575 രൂപയും അടക്കണം. ഔട്ട് ലെറ്റുകളുടെ പ്രവർത്തന സമയം മുഴുവൻ സിലിണ്ടറുകൾ ലഭ്യമാവും. ആദ്യ പടിയായി പീപ്പിൾസ് ബസാർ, സൂപ്പർ മാർക്കറ്റുകൾ എന്നിവിടങ്ങളിലാണ് ലഭ്യമാവുക.
